Die Heerlikheid van God in die Hemel.Voorbeeld

Wat maak Jesus kwaad.

Deur Ds Roger Woller

Wat maak Jesus kwaad? Ons het 'n voorbeeld uit die woorde van Markus hoofstuk 10. “Hy (Jesus) was verontwaardig.” Hy was baie ontsteld, kwaad oor wat sy dissipels gedoen het.

Dink jy jy het Jesus al ooit ontstel oor iets wat jy gedink of gedoen het? Jy kan dalk sê: “Jesus het nog nooit vir my kwaad geword nie.” Vir seker het Hy, as jy al ooit iets gedoen het soos wat die dissipels gedoen het.

Sy dissipels het mense wat kinders na Jesus toe wou bring sodat hy hulle kon seën probeer keer. Hulle het gedink hulle doen Hom 'n guns.

Jesus maak dit duidelik dat kinders en babas kan glo. Ons doen goed om kinderlike geloof te hê. Jesus het almal lief. Jesus wil almal in die hemel hê, insluitend kinders en babas.

Jesus sê vir ons: "Dit verseker Ek julle: Wie die koninkryk van God nie soos 'n kindjie ontvang nie, sal daar nooit ingaan nie.” Wanneer hy begin met die woorde “Dit verseker Ek julle" wil hy hê ons moet luister, want dit is baie belangrik.

Die koninkryk van die hemele word ingegaan deur geloof in Jesus ons Verlosser. Kinders word in sonde verwek en gebore, en hulle het God se vergifnis nodig. Jesus het vir al ons sondes aan die kruis betaal. Sy opstanding bewys dit. Hy het vir ons die sakrament van die doop gegee, waarin ons sy vergifnis, wat Hy vir ons verdien het, ontvang. Die doop is vir babas ook. Geloof word in babas geskep wanneer hulle gedoop word. Geloof moet aangekweek en versterk word soos kinders groei.

Dit is hoekom ons ons kinders na Jesus wil bring.

Daarom wil ons as volwassenes ook na Jesus toe kom.

Ons het almal Jesus se seën nodig. Ons moet almal op Jesus se skoot sit en na sy woord luister. Ons moet almal soos 'n klein kindjie in Jesus glo. Dit maak nie saak hoe oud ons is nie, ons is altyd “Die lammetjies van Jesus.”

Gebed: Ek is Jesus se lammetjie; ek is altyd van harte bly, want my herder lei my sagkens, ken my behoeftes en voorsien vir my, het my elke dag dieselfde lief, roep my selfs op my naam. Wie is so gelukkig soos ek, selfs nou, die lam van die Herder? Wanneer my kort lewe verby is, sal Hy, deur sy engele leër vergesel, my teen sy bors vashou, binne sy arms om te rus. Amen.