Laai die Bybeltoep afBegin Met Gebed 7-Dag UitdagingVoorbeeld
Bely jou Sondes
Vertel vir Jesus wat jy gedoen het. Plaas jou skuld op die rug van die Een wat jou sonde op Hom geneem het. Gee dit aan Jesus met hierdie versoek: "Sal U dit wegneem?" Doen dit so gereeld as wat nodig is. Een maal, twee maal, tien maal per dag? Gerus! Moet niks terughou nie. Geen sonde is te oud of te nuut, te boos of onbelangrik nie. Jesus is sterk genoeg om dit te dra.
Vandag se Uitdaging: Bely Jou Sondes
Gebed:
Heer, U weë is perfek. Ek kan die dieptes van u heiligheid en liefde nie deurgrond nie. Ek sal nooit perfek kan wees nie, God, maar ek wil 'n voorbeeld wees van u koninkryk in elke oomblik van my lewe.
Vandag bely ek dat ek ________ en dat ek nie 'n goeie voorbeeld van u koninkryk was nie. Ek vra om u vergifnis en u hulp. Wanneer ek weer versoek en uitgedaag word deur ______ , help my om die waarheid van u Woord te onthou sodat ek 'n lewe kan lei wat U behaag.
Dankie vir u genade wanneer ek misluk. Help my om sterker en wyser te word deur die tyd wat ek met U bestee. Vorm my om meer soos U te wees. In die Naam van Jesus. Amen.*
*Gebed aangepas uit Start with Prayer: 250 Prayers for Hope and Strength
Skrif
Aangaande hierdie leesplan
Die Begin met Gebed 7-Dag Uitdaging sal jou aanmoedig om opregte gesprekke met God aan te knoop. Deur die loop van die week sal Max Lucado jou aanmoedig om gebede van lofprysing te bid, God aan sy beloftes te herinner en met selfvertroue te verskyn voor die Koning van alle konings. Elke dag van die uitdaging sluit 'n gedeelte van Max in, sowel as 'n relevante Skrifgedeelte en 'n deurdagte gebed.
More
