Wees Waaksaam

Ons stap reeds 'n lang pad sedert ons onsself aan God toegewy het, ons weggekeer het van die dinge wat ons nie vervul nie en by God om rigting en doel vir ons lewens begin soek het.

Vandag bespreek ons 'n ernstiger onderwerp — wees op jou hoede.

Gun my om eers te verduidelik ...

Die Bybel sê in Johannes 10:10:

"'n Dief kom net steel en slag en uitroei; Ek het gekom sodat hulle die lewe kan hê, en dit in oorvloed."

Dalk is jy verbaas om te hoor dat jy 'n vyand het. Sy naam is Satan en sy enigste doel is om jou lewe te steel, te vernietig en jou uiteindelik dood te maak.

Gelukkig is God aan ons kant, want deur Jesus Christus, is ons vyand alreeds oorwin en die sleutels van die dood teruggeneem. In Hom is ons veilig en beskut.

Dit is egter die moeite werd om te onthou dat, terwyl jy 'n doelgerigte lewe nastreef en daarvolgens leef, die vyand sy aandag op jou gaan vestig. Die laaste ding wat hy wil hê, is dat passievolle Christene die aarde bewoon, hulle geloof deel en werk om siele vir God se koninkryk te wen.

Daarom moet ons waaksaam wees en ons harte en sinne bewaar.

Hou eers hier op en lees Efesiërs 6:10-20.

Ons het hoop, my vriende! Ons het 'n volledige wapenrusting om ons teen die vyand se aanvalle te beskerm.

Wees ywerig om jou daagliks met God se wapenrusting te beklee, sodat jy sterk kan staan teen die aanslae van die vyand.