Wanneer God Kon Maar Hy Het NieVoorbeeld

Dankbaar = Vrede

My hart is al 'n paar keer vantevore gebreek. Een aand, na nagte se huil en oggende met pofferige oë, onthou ek wat die Woord van God sê — "Volhard in die gebed! Wees daarby waaksaam en dankbaar" Kolossense 4:2. Ek het myself in die badkamer toegesluit, na my beeld in die spieël gekyk en met my hele hart het ek God gedank tussen gesnuif en gesnik.

"Here, dankie" het ek gesê. "Ek verstaan nie wat gebeur nie en dit is pynlik, maar dankie vir watter rede U dit ook al toelaat om te gebeur." Toe ek die volgende oggend wakker word, was dit asof God my hart vernuwe het en ek kon die sprong maak om aan te beweeg.

In die routydperk van ons eerste kind se dood, is ek teruggebring na dieselfde Skrifgedeelte. Selfs wanneer dit nie sin gemaak het nie, en selfs toe ek nie daarna gevoel het nie, het ek in geloof en gehoorsaamheid vorentoe getree en God in my gebede gedank. O, dit was moeilik! Dit is egter waar dat wanneer ons dit doen, die vrede van God ons gerusstel. Anderkant vertroosting, sal dit ons harte en gedagtes teen enige leuens beskerm wat ons genesing sal verhinder.

Lees vandag se Skrifgedeelte en bid dan. In jou gebed, selfs wanneer jy ondankbaar voel oor wat jy nou deurgaan, dank God, lê jou versoeke aan Hom voor en laat sy vrede jou koester wanneer Hy die gebreekte stukkies van jou hart optel.