Die Grootste GeskenkVoorbeeld

Vrede in Jou Toekoms

Lees: Jesaja 9:6; Johannes 14:27–31

SOAP: Johannes 14:27

Vrede laat ek vir julle na, my vrede gee Ek aan jull. Die vrede wat Ek vir julle gee, is nie die soort wat die wêreld nie. Julle moet nie ontsteld wees nie, en julle moet nie bang wees nie. 

Oordenking

God, ons groot Gewer, het ons die wonderlikste geskenk gegee toe Hy sy Seun aarde toe gestuur het as ons Verlosser. In sy groot barmhartigheid en wysheid bly God aan ons goeie en volmaakte gawes gee, nie net vir vandag nie, maar vir ons toekoms.

Op hierdie punt in die evangelie van Johannes het die dissipels nog nie die volheid besef van wie Jesus op hierdie stadium was nie. Hulle het gesukkel om te verstaan waarvan Jesus praat toe Hy gesê het dat Hy sou vertrek om vir hulle ‘n plek te maak in die huis van sy Vader. Dit is as gevolg van wat Jesus aan die kruis sou doen dat die dissipels en almal wat in Jesus glo, nie meer van God geskei sou word nie. 

Benewens hierdie wonderlike geskenk, het Jesus ook belowe om ‘n Helper, of die Heilige Gees te stuur om vir ewig by ons te wees. Dit is slegs deur die geboorte, dood en opstanding van Christus dat ons toegang tot die Heilige Gees, toegang tot God, toegang tot die bronne van die hemel, ‘n oorvloedige lewe op aarde en ‘n ewige lewe in die hemel kan hê! Jesus belowe ook vrede, nie net vir die tyd toe die dissipels fisies by Hom was nie, maar vrede vir elkeen van ons. Hierdie vrede sal vir ewig duur. 

Gebed

Vader, dankie vir die gawe van vrede wat U my gegee het, vrede vir vandag en vir die toekoms. Ek is so dankbaar dat U nie gee soos die wêreld gee nie; u geskenke is presies wat ek nodig het, nie net wat ek wil hê nie. Amen.