Die Grootste GeskenkVoorbeeld

Vrede in jou Omstandighede

Lees: Jesaja 26:3; 2 Korintiërs 1:3–11

SOAP: Jesaja 26:3

Gee aan hulle vrede en voorspoed, Here, want hulle het hulle vertroue op U gestel. 

Oordenking

Ons het in ons studie geleer dat God goed, konsekwent en onveranderlik is. Ons God is ook regverdig en die profeet Jesaja het harde woorde gehad vir diegene wat die verbond wat God met sy volk gesluit het, sou teëstaan. Vir diegene wat getrou bly, belowe God vrede en veiligheid.

In hoofstuk 26 verskuif Jesaja ons aandag vanaf die omstandighede van die gevalle wêreld rondom ons, terug na die volmaakte koninkryk van die hemel. Alhoewel ons dit nog moet sien, kan ons berusting vind in die wete dat God sal doen wat Hy sê Hy sal doen: ons God sal oor alles regeer. Maak nie saak wat in ons wêreld, in ons gemeenskappe of in ons gesinne gebeur nie, God sal die finale oorwinning behaal.  

Met Kersfees vier ons die koms van Jesus, ons Verlosser, as ‘n baba gebore uit ‘n maagd, beide God en mens. Die verhaal is maar net die begin, want ons leef met ‘n heilige verwagting van Christus se wederkoms — nie as ‘n baba nie, maar ons Verlosser.  

Soos ons geloof meer standvastig word en ons aan die gawes en beloftes van God vashou, sal ons vrede ervaar, ongeag ons omstandighede.

Gebed

Vader, U is my rots en my vaste fondament. Wanneer ek veiligheid en vrede soek, mag ek dit vind in u teenwoordigheid, ongeag my omstandighede. Dankie vir hierdie gawe van vrede en dat U altyd u beloftes nakom. Amen.