In Afwagting van Kersfees: 'n 5-dag AdventleesplanVoorbeeld

Die Vreugde wat in die Vooruitsig is

"Toe die sterrekykers sien die ster is daar, was hulle baie bly. Hulle het in die huis ingegaan, en daar het hulle die Kindjie by Maria, sy ma, gesien. Toe het hulle gebuig en voor Hom gekniel en Hom aanbid ..." (Matteus 2:10-11a ABA).

Vreugde: die lofwaardige versekering dat God in beheer is en alles tot sy eer en vir ons ten goede laat meewerk.

Dit kan nogal moeilik wees om vreugde te ervaar in die tyd wat Kersfees voorafgaan. Die vakansie kan spanningsvol, deurmekaar, alleen of pynlik wees. 

Die vreugde wat Jesus se koms verteenwoordig, is nie van verbygaande aard of voorwaardelik nie. Dis ewigdurend en onwankelbaar. Dis 'n vreugde wat nie van hierdie wêreld is nie.

Jesus se geboorte was nie die koninklike koms wat almal verwag het nie. Nietemin het dit tog alles kom verander. In 'n oogwink het God se Seun "God met ons" geword — en meer as 2 000 jaar later juig ons moeë wêreld nog steeds.

Ons nooi jou vandag uit om jou in die wonder van Jesus se geboorte te verbly. 

'n Gebed van Vreugde:

Jesus, 

dankie dat U Immanuel, God met ons, geword het. Dis as gevolg van U dat ek ware vreugde kan ervaar.

U is al die heerlikheid, eer en krag waardig — en ongeag wat ek in die gesig staar, sal ek kies om U te aanbid.

Help my om dit 'n vreugde te ag as ek moeilike tye ondervind, want ek weet U is besig om iets moois en ewigs te skep.

Hemelse Vader, herinner my om by U skuiling te vind en bly te wees. U troos gee my hernude hoop en blydskap. In u teenwoordigheid is daar volkome vreugde! 

As gevolg van u nederige koms, meer as 2 000 jaar gelede, is ek in staat om die vreugde van u teenwoordigheid vir altyd te ervaar. Baie dankie.

In die Naam van Jesus. 

Amen.