VriendskapVoorbeeld

Dra Mekaar se Laste

Lees: Galasiërs 6:1-10

SOAP: Galasiërs 6:2

Dra mekaar se laste, en gee op dié manier uitvoering aan die wet van Christus.

Oordenking

Ons verhouding met God is nie privaat nie. Soms is ons geneig om te dink dit is: "ek en Jesus teen die wêreld," asof die enigste ding wat regtig saak maak, ons persoonlike verhouding met Christus is. Daardie verhouding is ongelooflik belangrik, maar soos Paulus in Galasiërs 6:2 uitwys, het hierdie persoonlike verhouding sekere vereistes: om die wet van Christus te vervul. Jesus het sy jare van aardse bediening deurgebring om mense oor Homself en sy Vader te leer, maar Hy het ook baie tyd daaraan bestee om mense te leer hoe om mekaar te behandel en hoe om hulle lewens te leef. Hy het met etiese opdragte gekom, insluitend die een in hierdie vers: dra mekaar se laste!

Ons verhouding met God moet uitvloei in die manier waarop ons ander behandel, veral ander in die familie van God. Ons almal het laste om te dra, of dit nou lyding, verlies, teleurstelling, frustrasie of vrees is. Miskien is ons grootste geskenk aan mekaar ons gewilligheid om die lading te help dra. Wanneer ons in die versoeking kom om wanhopig te word, is dit die troos van ons vriende wat ons kan help om geloof te hê. Wanneer ons hierdie opdrag volg om mekaar se laste te dra, wys ons dat ons glo wat Jesus gesê het en wat Hy gedoen het: om die las van sonde namens ons te dra.

Gebed

Here, dankie dat U my grootste las vir my gedra het! Wys my hoe ek die mense in my lewe wat ly, kan dien en troos. Amen.