Lewenswenke: Praktiese Wenke Vir Goddelike GewoontesVoorbeeld

Hoe Om Nederigheid te Ontwikkel
Gewoonte: Karaktervorming

Na die inwyding van die tempel, verskyn God in die nag aan Salomo en sê vir hom as die volk "... berou [toon] en bid en vra na my wil en terug draai van hulle bose weë af, sal Ek luister uit die hemel en hulle sonde vergewe en hulle land herstel" (2 Kronieke 7:14).

Ons weet ons moet onsself voor God verneder. Wat beteken dit egter en wat word daarvoor vereis? Kom ons kyk na sommige maniere hoe ons nederigheid kan ontwikkel:

Beveg trots en selftwyfel — Nederigheid help ons om onsself in die regte verhouding tot God en ons naaste te sien. Dit lei ons tot 'n korrekte selfbeoordeling. Wanneer ons 'n verkeerde siening van onsself het weens trots of selftwyfel, kan ons nie onsself verneder nie — beide is vyande van nederigheid wat ons moet beveg. Greg Willson verduidelik dit so:

"Trots en selftwyfel is in werklikheid twee kante van dieselfde muntstuk. Die een kant glo ons weet beter as God, terwyl die ander kant weer glo dat Hy nie goed of magtig genoeg is om ons te verander nie. Nie een van hierdie twee dink veel van God nie en plaas Hom dus op gelyke voet met onsself. Trotsaards en selftwyfelaars glo albei dat hulle beter as God is, maar wys dit net op verskillende maniere."*

Gebruik waarheid as jou hoofinstrument — Die belangrikste manier hoe ons onsself verneder, is deur te wete te kom wat God oor ons sê. Wanneer jy dus die Skrif ondersoek, moet jy 'n nota maak van die dinge — positief en negatief — wat God oor die mensdom sê. Alleen deur te leer wat God se waarheid is, kan ons die nodige selfkennis verkry om nederigheid te ontwikkel.

Omring jouself met mense wat jou sal vermaan en bestraf — Ons het mense in ons lewens nodig wat aan ons 'n eerlike beoordeling sal gee — wat ons deugde sal prys en ons vir mislukkings sal bestraf.

Dien ander — Nederigheid is nie bloot om saam te stem met 'n idee van wie ons is nie, maar eerder selfkennis wat slegs deur ervaring ingewin kan word. Die beste manier waarop ons sulke ervaringsgebaseerde selfkennis kan opdoen, is deur ander te dien (Galasiërs 5:13). Deur diens leer ons dat ons Godgegewe talente en vermoëns ons anders en nie beter as ons naaste maak nie.

PRAKTIESE BOODSKAP VIR NADENKE: Nederigheid is 'n deug wat ontwikkel wanneer ons gedurig probeer om onsself te sien soos God ons sien.

* Mike Cosper, Rhythms of Grace: How the Church’s Worship Tells the Story of the Gospel (Wheaton, IL: Crossway, 2013).