Laai die Bybeltoep afStryd in jou Denke OordenkingVoorbeeld
Ek weet gewoonlik wat ek wil hê en ek hou daarvan om dit te kry. Ek is presies soos die meeste mense. As ons nie kry wat ons wil hê nie, vlam ons negatiewe gevoelens op.
Ons Christene verwag te dikwels dat die lewe volmaak moet wees en dat alles vir ons glad moet verloop. Ons verwag sukses, geluk, vreugde, vrede en alle ander dinge. As ons in die wiele gery word, is ons dikmond of kla ons.
Alhoewel God vir ons 'n goeie lewe gun, is daar tye wanneer ons geduldig moet wees en dit verduur om nie ons sin te kry nie. Hierdie teleurstellings toets ons karakter en vlak van geestelike volwassenheid. Hulle wys in werklikheid of ons waarlik gereed is vir bevordering.
Waarom dink ons ons moet altyd eerste wees? Waarom dink ons ons het die reg op 'n volmaakte lewe? Miskien dink ons soms meer van onsself as wat ons moet. 'n Nederige gemoed stel ons in staat om terug te staan en op God te wag om ons vorentoe te bring. God se Woord sê ons beërwe sy beloftes deur geloof en geduld. Ons glo God is goed, maar kan ons aanhou om in God te glo en Hom te vertrou wanneer ons voel die lewe is nie regverdig nie?
Die geheim van die Christelike lewe is dat ons onsself volkome aan God oorgee. As ons ons wil aan God oorgee, maak dit wat gebeur ons nie kwaad nie. As God ons nie gee wat ons wil hê en waarvoor ons vra nie, is ons geloof sterk genoeg om te sê: "Nie my wil nie, maar u wil."
Bid: Vader, help my. Ek het dikwels sterk begeertes en wanneer ek nie my sin kry nie, word ek ontsteld. Vergewe my. Herinner my dat Jesus nie aan die kruis wou sterf nie, maar dat Hy in totale onderwerping aan u wil geleef het. Ek vra U om, deur Jesus Christus, vir my te help om in volkome onderwerping te lewe en tevrede te wees met wat U aan my gee. Amen.
Uit die boek "Battlefield of the Mind Devotional" deur Joyce Meyer. Kopiereg © 2005 deur Joyce Meyer. Gepubliseer deur FaithWords. Alle regte voorbehou.
Skrif
Aangaande hierdie leesplan
Die lewe kan ons soms onkant vang. Wanneer 'n gedagtestryd ontwikkel, sal die vyand elke wapen in sy arsenaal gebruik om jou verhouding met God te verswak. Maar jy hoef nie sy slagoffer te wees nie. Hierdie oordenking sal jou toerus met besielings van hoop om woede, verwarring, veroordeling, vrees, twyfel...noem maar op, te oorwin. Hierdie insigte sal jou help om die vyand se komplot te ontbloot waarmee hy probeer om jou te verwar en leuens aan jou te vertel. Dit sal jou help om sy vernietigende denkpatrone die hoof te bied, oorwinning te kry deur jou denke te herskep, krag te kry en bemoedig te word, en nog meer belangrik, om oorwinning oor elke gedagtestryd te kry. Jy het die krag om hom te beveg en dis belangrik dat jy dit doen...selfs as dit net een dag op 'n slag is!
More
Verwante Leesplanne
Sielsontgiftiging
Heilige Emosies - Bybelse Antwoorde vir Elke Uitdaging
Glo God Is Goed — Ongeag
Om na God te Luister
Bid Vir Jou Olifant - Bid Moedige Gebede
Die Kosbare Geskenk Van Vergifnis
Volkslied: Genade in jou verhaal
Ek Kán My Wêreld Verander Deur My Storie
Terugkeer na God: 21 Dae van Vas en Gebed
