Verlos Van SkandeVoorbeeld

Skoonheid in Gebrokenheid

Lees: Jesaja 50:7; 2 Korintiërs 4:10-12

SOAP

2 Korintiërs 4:10-12

Die sterwe van Jesus dra ons altyd saam in ons liggaam, sodat ook die lewe van Jesus sigbaar kan word in ons liggaam. Voortdurend word ons wat lewe, ter wille van Jesus uitgelewer aan die dood, sodat ook in ons sterflike bestaan die lewe van Jesus sigbaar kan word.

Oordenking

 Glo dit of nie, daar is skoonheid in ons gebrokenheid. Selfs in ons mislukking is daar skoonheid te vind omdat God red. Hy neem ons en verander ons, sodat ons geleidelik meer lyk ​​soos ons Verlosser. Soos Hy ons herstel, werk Hy deur ons, en so word sy krag vertoon. Ons kan moeilike dinge doen omdat Hy ons sy krag gee, ons kan vrede ervaar te midde van die swaarkry, omdat Hy ons sy vrede gee. Alles wat ons kortkom, voorsien Hy. 

Ons is miskien gebroke, maar ons is nie verlore nie. Ons is geliefd en genees, ons word versorg en verander. Ons gebrokenheid is soms oorweldigend, maar God is groter, en Hy kan ons van ons gebrokenheid verlos. 

Om die dood van Christus in ons te dra, beteken om te leef met die konstante wete van wat Hy vir ons gedoen het. Hy woon in ons deur die Heilige Gees en gee ons dieselfde oorwinning oor sonde en dood as wat Hy gehad het toe God Hom uit die dood opgewek het. Sy lewe en krag werk elke dag in ons, in elke omstandigheid.

Gebed

Here, ek is verbaas oor U liefde vir die gebrokenes. U het baie gedoen om my te red en nou werk U om u beeld in my te herstel. Help my om dankbaar te wees vir my gebrokenheid en op U te steun vir alles wat ek nodig het. Amen.