KERSFEES: God se Reddingsplan VerwesenlikVoorbeeld

Stel jou voor dat jy op 'n heuwel buite Betlehem staan. Daar is 'n groep van julle wat na 'n kudde skape omsien. Sommige van die kudde het dalk aan die tempel behoort. Indien wel, sou dit ironies wees, want jou werk as herder beteken dat jy nie die geleentheid gehad het om tempel toe te gaan nie. As sodanig is jy as ongodsdienstig beskou. 

Jy was net 'n herder … en niks het ooit verander nie. Die lewe het jou 'n dwarshou gegee. Die mure van Jerusalem, wat jy na die noorde kon sien, was 'n visuele herinnering dat jy van God uitgesluit was.

God het toe 'n hemelse koor georganiseer om die geboorte van sy Seun aan 'n groep herders aan te kondig, mense wat Hom besonder na aan die hart gelê het: dié wat uitgesluit was, die "buitestaanders," die nederiges en die armes.

Hoe laat dit jou voel, die wete dat God die voorste ry sitplekke behou vir mense soos herders, of soos jy?

Gebed

Liewe Vader,

Ek is lief vir u karakter. Ek hou daarvan dat U prioriteit gegee het aan die verwardes, die nederiges en die armes. Ek is verheug om my lewe in die hande van so 'n wonderlike God te plaas.