Laai die Bybeltoep afBybelondersoeker vir die Jongmens (Psalm – Deel 1)Voorbeeld
Die Koning van Konings
Psalm 10:16a
Die Here bly altyd koning!
Solank as wat jy vir God het, is jy nooit alleen nie, ongeag hoe eensaam of seergemaak jy is. Die lewe is dalk nie altyd so soet soos 'n suigstokkie nie. Soms kan dit bitter wees, soos 'n bitter-karkoer, of suur, soos 'n suurlemoen. Een ding wat jy egter altyd in jou hart moet bewaar; God waak oor jou.
Jy kan dalk somtyds voel dat God ver weg is. Die waarheid is egter, Hy is altyd naby ons en met ons. Hy ken elke tydperk van jou lewe, en Hy is bewus van jou stryd. Dit is belangrik om geloof in God te hê. Wees altyd vol vertroue dat Hy by jou is, selfs wanneer jy Hom nie kan voel nie.
Die belangrikste rol van 'n koning is om sy koninkryk en mense te beskerm en om te sorg dat hul daaglikse lewe vreedsaam en voldoende is. Daar is geen konings op aarde wat volmaak is en vir ewig sal bestaan nie. Daar is net een Koning wat nie van tyd tot tyd verander nie. Hy is ons GOD.
Plaas jou geloof en vertroue in die Koning van konings wat vir ewig regeer!
Gebed
Liewe Vader, mag ek altyd my dag begin met kalmte en vol vertroue en met geloof in U. Ek weet dat ek altyd in U alleen my oorwinnings sal vind.
Aangaande hierdie leesplan
Hierdie leesplan sal jong lesers daagliks deur die Bybel lei. Nuwe insig sal verkry word deur die bondige en kindervriendelike oordenking. Kinders sal verstaan dat elke deel van die Bybel betekenisvol en van toepassing is vir hulle lewe. Uiteindelik sal hierdie oordenking hulle lei om daagliks in God se weë te lewe.
More
