Die Laaste Lesse: 'n Leesplan vir die Heilige WeekVoorbeeld

Aanbidding

Welkom by die Heilige Week—vandag begin dit met Palmsondag en ons leer ons tweede les hoe om Christus te volg: aanbid Hom (die eerste was om ons beste te offer).

Lees Johannes 12:12-19.

Die skare was verstom oor wat Jesus vir Lasarus gedoen het. Dit is nogal interessant dat die mense nie om Jesus saamgedrom het en Hom gevra het om hulle siektes te genees nie, maar dat hulle Hom aanbid het. As gevolg van hulle verwondering kon hulle nie anders as om Hom te aanbid nie.

As jy daardie dag deel van die skare was, wat dink jy sou jou reaksie gewees het?

Ek stel my voor dat baie mense met hulle rûe na die gebeure gedraai sou wees, met iPhone in die hand om foto's of "selfies" saam met Jesus te neem, reg om te tweet dat hulle @JesusChristus gesien het, met #hosanna gemerk. Ons mag selfs ons toep 'n paar keer herlaai het om te sien wie hou daarvan dat ons vir Jesus gesien het; of dalk dat Jesus self daarvan gehou het dat ons nuus oor Hom versprei het.

Ons het die eenvoud van Jesus in ons media chaos verloor. Ons kultuur beklemtoon dat so baie dinge in die lewe, selfs ons verhouding met Jesus, net oor onsself gaan.

Hierdie skare het verstaan waaroor dit gaan. Dit gaan net oor Jesus.

Hosanna was 'n manier van lofprysing, maar ook 'n woord wat gebruik was vir verlossing, hulp of redding — om daarvoor te vra of om te verklaar dat dit hier is.

Waarvan het God jou in die verlede gered?

Waarvan moet God jou vandag red?