Ou Testament — Belangrikste Profete

Die Ou Testament — Boeke van Wysheid

60-dag Nuwe Testamentiese Reis

Heilige Emosies - Bybelse Antwoorde vir Elke Uitdaging

Elisa: Die Verhaal Van Ongelooflike Geloof

Die Beter Leesplan

Veranderd: Die Volgende Stappe vir 'n Veranderde lewe

Wie Braai Jou Wors?

25 Dae tot Kersfees

Kom saam, Jesus roep jou

<div class="version vid6 iso6393afr" data-vid="6" data-iso6393="afr">
 <div class="book bkDEU">
 <div class="chapter ch3" data-usfm="DEU.3">
 <div class="label">3</div><div class="s1">Die Israeliete verslaan vir Og</div><div class="r">(Vgl. Num. 21:33-35)</div><div class="p"> 1&#8220;Ons het weggedraai met die pad na Basan toe, en koning Og van Basan het met sy hele le&#235;r teen ons opgeruk om by Edre&#239; teen ons te veg. 2Toe het die Here vir my ges&#234;: &#8216;Moenie vir hom bang wees nie, want Ek gee hom en sy hele le&#235;r en sy hele land in jou mag oor, en jy moet met hom maak soos jy gemaak het met koning Sihon van die Amoriete, wat in Gesbon gewoon het.&#8217;</div><div class="p"> 3&#8220;Die Here ons God het toe vir koning Og van Basan en sy hele le&#235;r in ons mag oorgegee. Ons het hom verslaan en nie een van sy mense het weggekom nie. 4Ons het destyds &#225;l sy stede verower. Daar is nie een van die sestig stede in die Argobstreek waar Og se ryk in Basan was, wat ons nie afgevat het van sy mense nie. 5Al hierdie stede was versterk met ho&#235; mure en met poorte met sluitbalke. Daar was ook baie dorpe sonder mure, 6en ons het hulle almal heeltemal verwoes soos ons gemaak het met koning Sihon van Gesbon wie se stede ons met mans, vrouens, kinders en al uitgewis het. 7Ons het net die vee en wat daar in die stede te buit was, vir ons gevat.</div><div class="p"> 8&#8220;Ons het destyds die gebied van die twee Amoritiese konings oos van die Jordaan afgevat: die gebied van die Arnonrivier af tot by Hermonberg, 9die berg wat Sirjon genoem word deur die mense van Sidon, en Senir deur die Amoriete. 10Ons het &#225;l die stede in die Hoogvlakte verower en die hele Gilead en Basan tot by Salka en Edre&#239;, die stede en die ryk van Og in Basan.&#8221;</div><div class="p"> 11Net koning Og van Basan het destyds nog van die Refa&#239;ete oorgebly. Sy bed was van yster. Dit was sowat vier meter lank en amper twee meter breed, en is nou nog te sien in Rabba van die Ammoniete.</div><div class="s1">Moses gee die verowerde gebied aan Ruben, Gad en die halwe Manassestam</div><div class="r">(Vgl. Num. 32:1-42)</div><div class="p"> 12&#8220;Ek het die gebied wat ons destyds verower het, van Aro&#235;r op die Arnonoewer af tot halfpad in die bergw&#234;reld van Gilead en al die stede daarin, aan die stamme Ruben en Gad gegee. 13Die res van Gilead en die hele Basan, die vroe&#235;re ryk van Og, het ek aan die halwe Manassestam gegee. Dit is die hele Argobgebied in Basan wat voorheen bekend was as die Refa&#239;ete se land. 14Ja&#239;r uit die nageslag van Manasse het die Argobstreek gevat tot by die grens van Gesur en Ma&#228;kat. Basan is toe na Ja&#239;r vernoem, en dit staan nou nog bekend as die tentdorpe van Ja&#239;r. 15Ek het Gilead vir Makir gegee. 16Ek het die gebied van Gilead af tot in die middel van die Arnonbedding vir die stamme Ruben en Gad gegee. Hulle noordgrens was Jabbokspruit, die grens van die Ammoniete se land, 17en die wesgrens was die Jordaanvallei en die Jordaanrivier van Gennesaret af tot by die see in die Jordaanvallei, die Soutsee, onderkant die Pisgahange net oos van die see.</div><div class="p"> 18&#8220;Ek het destyds vir die drie stamme ges&#234;: Die Here julle God het hierdie land vir julle gegee as julle besitting. Maar julle gewapende manne, elke weerbare man, moet die Jordaan oorsteek voor julle volksgenote uit. 19Net julle vrouens en kinders en vee, en ek weet julle het baie vee, mag agterbly in die stede wat ek vir julle gegee het. 20Julle moet saam met julle volksgenote trek totdat die Here ook aan hulle, soos aan julle, 'n veilige woonplek gegee het, en ook h&#250;lle die land wat die Here julle God vir hulle sal gee, die land wes van die Jordaan, in besit geneem het.&#8221;</div><div class="s1">Josua sal die volk inlei, nie Moses nie</div><div class="p"> 21&#8220;Ek het destyds vir Josua ges&#234;: &#8216;Jou twee o&#235; het nou alles gesien wat die Here julle God met daardie twee konings gedoen het. So sal die Here doen met al die koninkryke waarnatoe jy nou gaan deurtrek. 22Moenie vir hulle bang wees nie. Die Here julle God sal vir julle veg.&#8217;</div><div class="p"> 23&#8220;Dit was toe dat ek die Here gesmeek het: 24&#8216;Here my God, U het begin om my u grootheid en u groot mag te laat ondervind. Watter god is daar, in die hemel of op die aarde, wat u magtige dade kan nadoen? 25Laat my tog nou deur die Jordaan gaan om hierdie mooi land te gaan bekyk, die mooi Bergw&#234;reld en die Libanon.&#8217; 26Maar deur julle toedoen het die Here destyds vir my kwaad geword en daarom het Hy nie nou my gebed verhoor nie. Hy het vir my ges&#234;: &#8216;Jy het nou al genoeg daaroor gepraat. Moenie weer met My oor hierdie saak praat nie. 27Klim eerder Pisgaberg uit en kyk na die weste en die noorde, die suide en die ooste. Kyk daarna, want jy sal nie hierdie Jordaan oorsteek nie. 28Gee vir Josua sy opdragte, praat hom moed in en gee hom raad, want hy moet voor hierdie volk uit deur die Jordaan trek en hy moet hulle die land wat jy sal sien, in besit laat neem.&#8217; 29Daarom het ons in die laagte teenoor Bet-Peor gebly.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkDEU">
 <div class="chapter ch4" data-usfm="DEU.4">
 <div class="label">4</div><div class="s1">Gehoorsaam die Here!</div><div class="p"> 1&#8220;Israeliete, julle moet luister na die voorskrifte en die bepalings waarin ek julle onderrig. Julle moet daarvolgens lewe, dan sal julle bly lewe en die land binnegaan en in besit neem wat die Here die God van julle voorvaders vir julle sal gee. 2Moenie iets byvoeg by wat ek julle beveel nie en moet ook nie iets daarvan wegvat nie, maar gehoorsaam die Here julle God se gebooie wat ek julle gegee het. 3Julle eie o&#235; het gesien wat die Here by Ba&#228;l-Peor gedoen het: elkeen wat vir Ba&#228;l-Peor gedien het, is deur die Here julle God tussen julle uit verdelg. 4Maar julle wat getrou gebly het aan die Here julle God, lewe vandag nog almal. 5Kyk, ek het julle die voorskrifte en die bepalings geleer soos die Here my God my beveel het. Julle moet daarvolgens lewe wanneer julle in die land kom en dit in besit neem. 6Gehoorsaam die voorskrifte en lewe daarvolgens, want daaraan sal die ander volke sien dat julle wysheid en insig het. Hulle sal van al hierdie voorskrifte hoor en s&#234;: &#8216;Net hierdie groot nasie het wysheid en insig.&#8217; 7Watter groot nasie se god is so by hom soos die Here ons God by ons is elke keer as ons tot Hom bid? 8Watter groot nasie se voorskrifte en bepalings is so billik as hierdie wet wat ek vandag vir julle gee?</div><div class="p"> 9&#8220;Pas net op en wees baie versigtig om so lank julle leef, nie hierdie dinge wat julle gesien het, te vergeet of te verontagsaam nie. Julle moet dit alles vir julle kinders en julle kleinkinders inskerp. 10Julle moet hulle van di&#233; dag laat leer toe julle by Horebberg gestaan het in die teenwoordigheid van die Here julle God, van di&#233; dag toe Hy vir my ges&#234; het: &#8216;Maak die volk vir My bymekaar dat Ek hulle my gebooie wat hulle moet ken, kan meedeel sodat hulle My kan dien so lank hulle in hierdie land lewe en sodat hulle my gebooie vir hulle kinders kan leer.&#8217;</div><div class="p"> 11&#8220;Julle het toe nader gekom en aan die voet van die berg gaan staan. Die berg het gebrand, die vuur was tot in die hemel, en daar was 'n rookwolk wat dit stikdonker gemaak het. 12Toe het die Here uit die vuur uit met julle gepraat. Julle het woorde gehoor maar niemand gesien nie. Daar was net 'n stem. 13Die Here het julle die bepalings van sy verbond meegedeel en julle beveel om hulle te gehoorsaam: die tien gebooie wat Hy op die twee plat klippe geskryf het. 14Die Here het my destyds beveel om julle die voorskrifte en die bepalings te leer sodat julle daarvolgens kan lewe in die land waarheen julle sal deurtrek om dit in besit te gaan neem. 15Pas op! Die lewe is vir julle op die spel. Die Here self het met julle op Horeb uit die vuur uit gepraat, al het julle di&#233; dag niemand gesien nie. 16Moenie julle eie ondergang soek deur vir julle 'n afbeelding as afgodsbeeld te maak nie: nie van 'n man of 'n vrou nie, 17nie van enige dier op die aarde of van enige vo&#235;l in die lug nie, 18nie van enigiets wat op die aarde kruip of van enige vis in die waters onder die aarde nie.</div><div class="p"> 19&#8220;Wanneer julle na die hemelruim opkyk, die son, die maan en die sterre, enige hemelliggaam, moet julle nie julle hoop op hulle vestig nie. Moet julle nie laat verlei om hulle te vereer en te dien nie. Die Here julle God het hulle toegeken aan al die volke op die aarde.</div><div class="p"> 20&#8220;Vir julle het die Here gevat en uit die ystersmeltoond, uit Egipte, uitgelei om sy volk te wees wat aan Hom behoort soos dit vandag dan ook die geval is. 21Deur julle toedoen het die Here vir my kwaad geword en dit met 'n eed bevestig dat ek nie deur die Jordaan sou gaan en in die goeie land sou kom wat die Here julle God aan julle as besitting sal gee nie. 22Ek sal in hierdie land sterf. Ek sal nie die Jordaan oorsteek nie, maar julle sal deurtrek en daardie goeie land in besit neem. 23Wees versigtig om nie die verbond wat die Here julle God met julle gesluit het, te vergeet nie. Pas op om nie vir julle 'n afgodsbeeld te maak nie. Die Here jou God het jou dit verbied. 24Die Here jou God is 'n verterende vuur, Hy eis onverdeelde trou aan Hom.</div><div class="p"> 25&#8220;Wanneer julle kinders en kleinkinders het en julle oud geword het in die land, moet julle nie julle eie ondergang soek deur 'n afgodsbeeld te maak nie, want dan doen julle wat verkeerd is in die o&#235; van die Here julle God en tart julle Hom. 26Ek roep vandag die hemel en die aarde tot getuie teen julle dat julle dan baie gou en baie beslis sal verdwyn uit die land wat julle in besit gaan neem sodra julle deur die Jordaanrivier trek. Julle sal nie lank in die land bly woon nie, julle sal beslis uitgeroei word. 27Die Here sal julle verstrooi onder die volke, net 'n klein klompie van julle sal oorbly onder die nasies waarheen die Here julle sal lei. 28D&#225;&#225;r sal julle gode dien wat deur mense gemaak is: hout en klip wat nie kan sien of hoor, eet of ruik nie. 29As julle die Here julle God d&#225;&#225;r aanroep, sal Hy julle gebed verhoor as julle Hom nader in onverdeelde trou.</div><div class="p"> 30&#8220;Wanneer julle in nood verkeer deurdat hierdie dinge in die toekoms oor julle kom, moet julle terugkom na die Here julle God, en sy woord gehoorsaam. 31Die Here julle God is 'n genadige God. Hy sal julle nie in die steek laat of om die lewe bring nie. Hy sal nie die verbond vergeet wat Hy met 'n eed aan julle voorvaders bevestig het nie.</div><div class="p"> 32&#8220;Gaan stel ondersoek in na die verre verlede, na die dae lank voor julle tyd, van die tyd af toe God die mens op die aarde geskep het, van die een uiteinde van die hemel af tot by die ander uiteinde, en kyk of iets so magtigs al gebeur het en of so iets al gehoor is. 33Het 'n volk die stem van sy god uit die vuur uit hoor praat, soos julle die stem van julle God gehoor het, en het hy bly lewe? 34Het 'n god dit ooit gewaag om vir hom 'n nasie te kom vat by 'n ander nasie, en d&#237;t met rampe, tekens, wonders, oorlog, magtige dade, wonderlike, groot dade waarvoor mense vreesbevange word? Dit alles het die Here julle God voor julle eie o&#235; in Egipte vir julle gedoen. 35Dit is vir julle gewys dat julle kan besef die Here is God, en dat daar naas Hom nie 'n ander is nie. 36Hy het julle sy stem uit die hemel laat hoor om julle te onderrig en Hy het julle sy groot vuur op die aarde laat sien en julle het sy woorde uit die vuur uit gehoor. 37Omdat die Here julle voorvaders liefgehad het en hulle nageslag uitgekies het, het Hy julle deur sy groot krag in sy teenwoordigheid laat trek uit Egipte uit 38om nasies, groter en sterker as julle, voor julle uit te verdryf en om julle in hulle land in te bring en dit aan julle te gee as julle besitting. En so is dit nou nog.</div><div class="p"> 39&#8220;Weet dan nou en neem dit ter harte: die Here is God. In die hemel daarbo en op die aarde hieronder is daar nie nog 'n god nie. 40Gehoorsaam sy voorskrifte en sy gebooie wat ek julle vandag beveel, sodat dit goed kan gaan met julle en julle nageslag en julle lank kan woon in die land wat die Here julle God vir altyd aan julle wil gee.&#8221;</div><div class="s1">Drie asielstede oos van die Jordaan</div><div class="r">(Vgl. Num. 35:9-14)</div><div class="p"> 41Toe het Moses drie stede oos van die Jordaan uitgesonder as stede 42waarheen iemand kon vlug as hy 'n ander doodgemaak het sonder voorbedagte rade en sonder dat daar voorheen vyandskap tussen hulle was. As hy dan na een van hierdie stede toe vlug, kon hy bly lewe. 43Die stede was: Beser in die Woestynhoogvlakte vir Ruben, Ramot in Gilead vir Gad, en Golan in Basan vir Manasse.</div><div class="s1">Die tien gebooie</div><div class="r">(Vgl. Eks. 20:1-17)</div><div class="p"> 44Dit is die wet wat Moses vir die Israeliete gegee het: 45-46die verordeninge en voorskrifte en bepalings wat Moses aan die oostekant van die Jordaan in die vlakte regoor Bet-Peor vir die Israeliete afgekondig het nadat hulle uit Egipte weggetrek het. Bet-Peor was gele&#235; in die gebied van koning Sihon van die Amoriete wat in Gesbon gewoon het en deur Moses en die Israeliete verslaan is nadat hulle uit Egipte weggetrek het. 47Hulle het Sihon se gebied en di&#233; van koning Og van Basan in besit geneem. Sihon en Og was die twee Amoritiese konings aan die oostekant van die Jordaan, 48en hulle gebied het gestrek van Aro&#235;r op die Arnonoewer af tot by Sionsberg, dit is Hermon, 49met insluiting van die oostekant van die Jordaanvallei tot by die see in die Jordaanvallei onderkant die Pisgahange.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkDEU">
 <div class="chapter ch5" data-usfm="DEU.5">
 <div class="label">5</div><div class="p"> 1Moses het die hele volk bymekaargeroep en vir hulle ges&#234;: &#8220;Israeliete, luister na die voorskrifte en die bepalings wat ek vandag hier in julle teenwoordigheid aankondig. Julle moet dit leer, dit gehoorsaam en daarvolgens lewe. 2Die Here ons God het by Horeb 'n verbond met ons gesluit. 3Dit is nie ons voorvaders met wie Hy hierdie verbond gesluit het nie, maar ons, ons almal wat hier is en nou lewe. 4Ja, met julle persoonlik het die Here op die berg uit die vuur uit gepraat. 5Ek het destyds tussen die Here en julle gestaan om die gebod van die Here aan julle deur te gee, want julle was bang vir die vuur en julle het nie teen die berg uitgeklim nie.</div><div class="p">&#8220;Die Here het ges&#234;:</div><div class="b"></div><div class="pi"> 6&#8220; &#8216;Ek is die Here jou God wat jou uit Egipte, uit die plek van slawerny, bevry het. 7Jy mag naas My geen ander gode h&#234; nie.</div><div class="pi"> 8&#8220; &#8216;Jy mag nie vir jou 'n beeld of enige afbeelding maak van wat in die hemel daarbo of op die aarde hieronder of in die water onder die aarde is nie. 9Jy mag hulle nie vereer of dien nie, want Ek die Here jou God eis onverdeelde trou aan My. Ek reken kinders die sondes van hulle vaders toe, selfs tot in die derde en vierde geslag van di&#233; wat My haat, 10maar Ek betoon my liefde tot aan die duisendste geslag van di&#233; wat My liefhet en my gebooie gehoorsaam.</div><div class="pi"> 11&#8220; &#8216;Jy mag die Naam van die Here jou God nie misbruik nie, want die Here sal di&#233; een wat sy Naam misbruik, nie ongestraf laat bly nie.</div><div class="pi"> 12&#8220; &#8216;Jy moet die sabbatdag so deurbring dat jy dit heilig hou, soos die Here jou God jou beveel het. 13Ses dae moet jy werk en alles doen wat jy moet, 14maar die sewende dag is die sabbat van die Here jou God. Dan mag jy geen werk doen nie, nie jy of jou seun of jou dogter of die man of vrou wat vir jou werk, of jou bees of jou donkie of enige dier van jou of die vreemdeling by jou nie, sodat jou werksmense kan rus soos jy. 15Jy moet daaraan dink dat jy in Egipte 'n slaaf was en dat die Here jou God jou deur sy groot krag en met magtige dade daaruit bevry het. Daarom het die Here jou God jou beveel om die sabbatdag te onderhou.</div><div class="pi"> 16&#8220; &#8216;Eer jou vader en jou moeder, soos die Here jou God jou beveel het, dan sal jy 'n lang lewe h&#234; en sal dit goed gaan met jou in die land wat die Here jou God vir jou gee.</div><div class="pi"> 17&#8220; &#8216;Jy mag nie moord pleeg nie.</div><div class="pi"> 18&#8220; &#8216;Jy mag nie egbreuk pleeg nie.</div><div class="pi"> 19&#8220; &#8216;Jy mag nie steel nie.</div><div class="pi"> 20&#8220; &#8216;Jy mag nie vals teen 'n ander getuig nie.</div><div class="pi"> 21&#8220; &#8216;Jy mag nie iemand anders se vrou begeer nie. Jy mag nie sy huis begeer nie, ook nie sy grond, sy slaaf of slavin, sy bees of donkie, of enigiets anders wat aan hom behoort nie.&#8217;</div><div class="b"></div><div class="p"> 22&#8220;Die Here het by die berg al hierdie gebooie duidelik hoorbaar aan julle hele gemeente gegee, uit die vuur en die stikdonker wolk uit, en toe het Hy stilgebly. Daarna het Hy dit op twee plat klippe geskryf en dit vir my gegee.&#8221;</div><div class="s1">Die volk vra M&#243;ses moet liewer met hulle praat</div><div class="r">(Vgl. Eks. 20:18-21)</div><div class="p"> 23&#8220;Toe julle die stem uit die donkerte uit gehoor het terwyl die berg gebrand het, het al julle stamhoofde en leiers na my toe gekom 24en ges&#234;: &#8216;Die Here ons God het ons sy mag en sy grootheid laat sien, en ons het sy stem uit die vuur uit gehoor. Vandag het ons ondervind dat God met mense praat, en hulle bly lewe. 25Maar as ons weer die stem van die Here ons God hoor, sal ons sterf, want hierdie groot vuur sal ons verteer. Waarom moet ons die gevaar loop om te sterf? 26Watter mens het die stem van die lewende God wat uit die vuur uit praat, gehoor soos ons en bly lewe? 27Gaan jy nader en luister na wat die Here ons God s&#234;, dan kan jy alles wat Hy vir jou s&#234;, vir ons vertel en ons sal dit gehoorsaam en daarvolgens lewe.&#8217;</div><div class="p"> 28&#8220;Toe die Here hoor wat julle vir my s&#234;, het Hy vir my ges&#234;: Ek het gehoor wat hierdie volk vir jou ges&#234; het. Wat hulle ges&#234; het, is goed. 29Mag hulle altyd soveel eerbied vir My h&#234; en al my gebooie gehoorsaam sodat dit altyd goed kan gaan met hulle en hulle nageslag. 30Gaan s&#234; vir hulle hulle moet teruggaan na hulle tente toe. 31Maar jy moet hier by My kom staan. Ek wil die hele wet vir jou gee, die voorskrifte en die bepalings wat jy vir hulle moet leer, en waarvolgens hulle moet lewe in die land wat Ek vir hulle gee om te besit. 32Julle moet nougeset doen wat die Here julle God julle beveel het. Julle moet nie in enige opsig daarvan afwyk nie. 33Bly op die pad wat die Here julle God vir julle aangewys het, sodat julle kan bly lewe en voorspoedig kan wees en lank kan woon in die land wat julle in besit sal neem.&#8221;</div>
 </div>
 </div>
</div>

Ou Testament — Die Boeke van MosesVoorbeeld

Skrif

Aangaande hierdie leesplan

Verwante Leesplanne