Ek Is Vol VertroueVoorbeeld

Ons God Is Altyd Vir Ons

Rolprente, boeke, ons kultuur en mense wat ons liefhet, het almal al gesê: "Volg net jou hart." Daarmee is egter 'n probleem, want my hart soek voortdurend sy eie voordeel. Ons mag ander help, want dit voel goed. Ons mag ons kinders liefhê omdat hulle weer vir ons liefhet. Dit spreek vanself dat selfsugtige liefde nog erger kan word. Om jou eie toergids deur die lewe te wees, is 'n vermoeiende, nimmereindigende en altyd-meer manier om te lewe. Wat is die alternatief dan?

Jy het dalk al gehoor opsie B is om jou bes te doen om God te behaag, sodat jy 'n goeie en selfs 'n ewige lewe kan hê. Hierdie strewe is egter ook problematies selfsugtig. Hierdie denkpatroon sê: "Ek werk hard om God te behaag, sodat ek ______ kan hê." In plaas daarvan, wat as ons so dink: "Ons behaag God, te danke aan wat Hy deur Jesus vir ons gedoen het." Ons volg nie ons eie harte nie; ons volg Syne.

Ons leef nie vir die goedkeuring van God nie. Ons leef uit sy goedkeuring. Toe God Christus vir ons gegee het, het Hy ons krag weggeneem om verder deur Hom goedgekeur te word. Christus het die maatstaf van 'n gelowige se posisie by God geword. Wat nou? Ons kan nie ons vertroue bou met goeie werke vir ander nie. Ons kan ook nie afgetakel word deur krenkende woorde van ander nie. As God vir ons is, wie kan dan teen ons wees? As God sy enigste Seun vir ons gegee het terwyl ons nog skuldig was, waarvan sal Hy ons dan nie bewaar nie? Ons hoef nie vir onsself te lewe nie, want Jesus het vir ons gesterf. Tewens, God is altyd vir ons. Ek is vol vertroue. Nie as gevolg van wat ek doen nie, maar as gevolg van wie Hy is.

Oorweeg: Is daar enigiets wat jy dink jy vir God doen, maar wat jy eintlik vir jouself doen? Hoe kan jy eerder vanuit sy goedkeuring begin leef?