God Is Nog Nie Klaar Nie.

God is nie dood nie en Hy is nie klaar nie! Jou lewe mag dalk voel of lyk soos 'n onvoltooide skildery — 'n groot gemors met dele wat ontbreek.

God wil hê jy moet weet dat Hy nog steeds aan die werk is, al kan jy dit nie sien nie. Hy is besig om 'n kreatiewe en briljante werk in jou lewe te doen, en in die lewens van die mense wat jy liefhet. Net omdat jy nie die voltooide werk kan sien nie, beteken dit nie dat dit nié 'n meesterstuk gaan wees nie. Filippense 1:6 verwys na die onvoltooide werk van God en sê dat ons vol vertroue moet wees dat Hy wat die goeie werk in ons begin het, dit sal voltooi. Wees dus gerus: God is nog steeds hard aan die werk in jou lewe.

Niemand en niks kan God se guns in jou lewe keer nie! Al voel jy dat jou skildery 'n gemors is, kan God dit gebruik om ander mense in jou omgewing mee te seën.

Daar is meer wat vir jou wag — meer guns, meer seëninge en meer goeie dinge!

Dink hieroor: Hoe gee dit vir jou hoop as jy weet dat God nog onafgehandelde werk in jou lewe het?

BID: Dankie Vader God, dat U 'n goeie werk in my begin het en belowe het om dit te voltooi. U guns vloei in my lewe en ek bid dat U my sal help om te sien wanneer dit deur my lewe vloei om ander te help. Gee my dié week 'n geleentheid om iemand anders op hul lewensreis te bemoedig. In die Naam van Jesus. Amen.