OpgestaanVoorbeeld

Lees: Romeine 8:26-30; Hebreërs 9:27-28

SOAP: Hebreërs 9:27-28

Toe die volk in antieke Israel offers aan God gebring het, het hulle 'n dier uit hul troppe geneem, hetsy 'n bul, ‘n lam of ‘n bok en dit aan God voorgehou. Wanneer die priester sy hande op die kop van die dier gelê het, het hy die sonde van die mense na die dier oorgedra. Die dier het dan die sondes van die mense gedra. Die dier is doodgemaak as 'n offer, hy het gesterf as 'n plaasvervanger vir die mense wat gesondig het.

Christus is die eenmalige offer vir die sonde. Die vergifnis wat die diere-offer gebring het, was net geldig totdat die persoon weer gesondig het. Daardie offers was nie vir ewig nie. As gevolg van sy ewige aard, bedek die offer van Christus die sondes van sy volk vir ewig. Soos die diere in die Levitiese offerstelsel, het Christus die sondes van baie mense gedra toe Hy aan die kruis gesterf het. Sy offer was slegs een keer nodig om vir ewig vergifnis vir ons sondes te bewerk.

Here, dankie dat U ‘n ewige offer vir ons sondes voorsien het. Dankie dat U Jesus toegelaat het om Homself aan te bied as 'n ewige offer om die sondes van baie te dra. Help my om te lewe in die lig van die verlossing wat ek het en nie as slaaf van die sonde nie. Amen.