OpgestaanVoorbeeld

Lees: Matteus 27:15-31; Openbaring 20:12-13

SOAP: Openbaring 20:12-13

Dit is moeilik om te verstaan hoekom God doen wat Hy doen. Dit is moeilik om te verstaan hoekom God sou kies om “goeie” mense te oordeel of te veroordeel. Dit is ontmoedigend om te dink dat God sou kies om sommige mense saam met Hom in die ewigheid te laat lewe, terwyl ander die ewigheid weg van God af deurbring. 

God se heiligheid is bo ons begrip. Sy karakter is meer kompleks as wat ons kan verstaan. Waaraan ons kan vashou is die waarheid wat ons in sy Woord vind. God is 'n goeie God, wat alles ten goede laat meewerk vir dié wat Hom liefhet (Romeine 8:28). God ontferm Hom oor ons en is gretig om ons genadig te wees (Jesaja 59:2). Ons sondige natuur het veroorsaak dat ons van Hom geskei is, en tog het Hy selfs in ons rebellie 'n weg vir ons voorsien om met Hom verenig te word (Romeine 3:23-24).  

Ons hoef nie God se oordeel te vrees wanneer ons in Christus is nie. Christus het ons verlos en deur geloof in Hom, is ons deur God vrygespreek (2 Korintiërs 5:21). Ons sal geoordeel word op ons dade, maar wanneer ons dade gestempel is met “geloof in Christus,” kan ons verseker weet dat ons ewigheid gewaarborg is. 

Here Jesus, dankie dat U my plek ingeneem het. Dankie dat U die oordeel gedra het wat ek verdien het en dat U in my plek gesterf het. Help my om veilig te rus in u verlossingswerk, selfs al verstaan ek nie ten volle u karakter of aksies nie. Amen.