Kry die toepOpgestaanVoorbeeld
Lees: Matteus 27:45-56; Romeine 4:25
SOAP: Romeine 4:25
Die tempel in Jerusalem was 'n ongelooflike gebou. Dit was versier met die beste metale, gebou met die beste materiale en versier met die duurste skatte. As jy vandag Jerusalem besoek, kan jy steeds stukkies goud in die ruïnes van die tempel sien. Een van die fassinerende aspekte van die tempel, was 'n gordyn wat van die plafon tot op die vloer gehang het (omtrent 9 meter lank) en wat by die ingang van die heilige deel gehang het. God se teenwoordigheid was in die allerheiligste, agter hierdie gordyn.
Toe Jesus sy gees oorgegee het en gesterf het aan die kruis, het daardie gordyn van bo na onder geskeur. Die skeuring van die gordyn na Christus se dood dui aan dat ons nie meer van God se teenwoordigheid weggehou word as gevolg van ons sonde nie. Ons is nie meer van God geskei nie, want Jesus se dood het ons geregverdig. Sy dood het ons voorsien van die offer wat ons benodig het om regverdig voor God te wees. Sy opstanding laat ons toe om vir altyd as regverdig gesien te word en dit gee ons toegang tot God se teenwoordigheid.
God, dankie dat U Jesus gestuur het om 'n weg vir my te maak om u teenwoordigheid te ervaar. U is waarlik 'n goeie God wat omgee vir u mense, insluitende ek. Help my om die maniere hoe U kragtig in my lewe werk om my na U te bring, raak te sien. Amen.
Aangaande hierdie leesplan
Hy het opgestaan! Hy het regtig opgestaan! Hierdie studie delf diep in die opstanding van Jesus en ondersoek die maniere waarop die grootste wonderwerk die geskiedenis verander het, die mensdom verander het en ons verander. Die opstanding verander ons fisies, geestelik, wettiglik, verstandelik, sosiaal en vir ewig en ons sien daarna uit om elkeen van hierdie in diepte te bestudeer.
More
Ons bedank Lief God God vir die feit dat ons hierdie plan voorsien het. Besoek gerus vir meer inligting: https://lovegodgreatly.com/afrikaans/
