Nader tot GodVoorbeeld

Lees: Psalm 19:1-4, Psalm 33:6-9

SOAP: Psalm 19:1-4

Kan jy die laaste keer onthou wat jy in verwondering was oor die skepping? Hetsy jy die skouspelagtige sterrehemel aanskou of deur 'n uitgestrekte bergreeks ry, of 'n pasgebore babatjie hoor huil, verwek God se skepping 'n gevoel van verwondering in ons. 

In sy jong dae het Dawid baie tyd buite as skaapwagter deurgebring. Hy het baie tyd gehad om die glorie van die skepping te aanskou. Hy sê dat die hemel "getuig" van die mag van God, die uitspansel maak die werk van sy hande "bekend". Die hemel spreek nie woorde wat ons kan hoor nie, maar God se groot krag en koninklike majesteit word in die skepping verheerlik. 

Die skepping is vir die wêreld 'n getuienis sonder woorde. Die werke van sy hande het geen vertaling nodig nie. Dit is sigbaar vir die hele wêreld; dag-na-dag, aand-na-aand, van Dawid se dae af, tot vandag. God se skepping dra 'n voortdurende getuienis van sy oneindige krag en wysheid! 

Here, ons aanbid U as Skepper. Ons staan in verwondering oor alles wat U gemaak het. U ewige krag en goddelike natuur is sigbaar in wat U skep. Open asseblief ons oë vir u majesteit, en help diegene wat U nog nie ken nie, om U grootheid deur u skepping te aanskou. Amen.