Die Bybel: 'n VerduidelikingVoorbeeld

Waarheen gaan ek hiervandaan?

Wens jouself geluk dat jy tot dag sewe van hierdie leesplan gevorder het! Nou mag jy dalk wonder wat die doel van alles is. Jy mag wonder — wat is ek veronderstel om met die Bybel te doen? 

As jy slegs geleer het om jou Bybel meer te lees, dan mis jy die punt. 

Ons lees nie net die Woord van God nie; ons laat dit werk in God se wêreld. Ons lees dit nie net om kennis te verkry nie. 

Kyk na vandag se video oor die doel van die Woord van God en die belangrikheid om dit tot 'n groter mate aan sy wêreld bekend te stel.

"… Kennis maak ons verwaand, maar die liefde bou op. As iemand meen hy het kennis van iets, het hy nog nie die kennis wat 'n mens behoort te hê nie. Maar as iemand God liefhet ken God hom" 1 Korintiërs 8:1-3.

Soos ons 'n beter begrip en waardering vir die Woord van God kry, mag ons onthou om dit in nederigheid te gebruik om 'n verskil in God se wêreld te maak. Mag ons nooit die Skrif vir eiebelang gebruik nie, maar mag ons dit altyd gebruik as 'n manier om die liefde van God aan almal om ons te openbaar.

Wat is nou eintlik so besonders aan die Bybel? Dit is die geïnspireerde Woord van God wat ons leer hoe om te leef. Dit korrigeer ons, verander en vernuwe ons, rus ons toe, bemoedig ons en help ons om God te leer ken. Dit is egter té belangrik om vir onsself te hou.

Jesus het ons die finale opdrag gegee — naamlik die sendingopdrag — wat doel aan ons lewe gee. Sy opdrag aan ons? Deel sy goeie nuus met die wêreld.

As ons goeie nuus kry, wil ons dit deel. As jy nie dink die Bybel is goeie nuus nie, sal jy dit soos ou nuus behandel, en 'n mens deel nie ou nuus nie.

Wat is dus jou rol in die groot sendingopdrag? Hoe kan jy daarvan deel wees om die Bybel by almal uit te kry? 

Ontdek meer van die Bybel en hoe jy 'n rol kan speel in die missie om dit by almal te kry.

Bid: Vader, dankie dat U u Woord gebruik om my te vind en te verander. Mag ek dit nederig gebruik om U te verheerlik. Verwyder enige versoekings dat ek dit nie vir my eie doel gebruik nie en help my om u Woord met meer mense in u wêreld te deel. Vader, ek bid dat meer mense u goeie nuus sal hoor. Gee my vrymoedigheid en bereidwilligheid om die groot sendingopdrag uit te leef.