SaligsprekingeVoorbeeld

Lees: Lukas 6:22, Romeine 12:14

SOAP: Lukas 6:22, Romeine 12:14

Die Skrif is duidelik daaromtrent dat gelowiges vervolging moet verwag, maar daar word ook vertel dat baie mense na die groeiende gemeente van die vroeë kerk in Handelinge gestroom het. Hoe is dit moontlik? Die welgesteldes en die magtiges, die godsdientige leiers en die lede van die sosiale binnekringe het die Christene vervolg, maar die armes en diegene wat gering geag is, die godsdienstige uitgeworpenes en die sosiale buitestaanders is aangetrek na ‘n geloof wat hulle met ope arms verwelkom het. Wanneer ons vervolging en swaarkry in die gesig staar, moet ons onthou dat ons geloof eers deur die magteloses, en nie die magtiges nie, aangegryp is.  Die getuienis van die kerk het die veragting ontlok van dié wat gemaklik was met hulle aardse lewens, maar het dié aangetrek wat hulle behoefte besef het. 

Ons is geseënd wanneer ons oortuigings en geloofsdade veroorsaak dat ons vervolg word, en ons word aangespoor om diegene wat dit veroorsaak, te seën. Eerder as om terug te baklei en gewelddadig teen hulle op te tree of hulle in ruil daarvoor te vervolg, word ons geroep om te seën: om hulle welvaart en voorspoed te bevorder.   

Dankie God, dat U by my is in my lyding. Gee my die krag om vervolging met seën en goedheid te vergoed. Gee vir my geleenthede om die magteloses te dien en diegene wat my vervolg, te seën.