Beter TesameVoorbeeld

Watter Een Sal Jy Dien: God of Geld? 

Stem jy saam dat ons in 'n kultuur van materialisme leef? Dit is asof die doel is om meer en meer en meer te kry. En net voor jy die bure inhaal, herfinansier hulle of word hulle bankrot verklaar. En net as jy dink jy het alles, verskyn die Kersfees-advertensies en hulle vertel van allerhande dinge waarsonder jy nie geweet het jy nie kan leef nie.

Dit is moeilik om jou prioriteite reg te kry wanneer jy in 'n samelewing leef wat oor "kry nog meer" gaan. Die een met die meeste speelgoed wen, reg so? Nee! Die een met die meeste speelgoed sterf nog steeds, of jy nou speelgoed het of nie.

Daar is net een teenmiddel vir materialisme: vrygewigheid. Elke keer as jy vrygewig is, het jy 'n geestelike oorwinning in jou hart. Elke keer as jy vrygewig is, groei jou hart. Elke keer as jy vrygewig is, breek jy die greep van materialisme in jou lewe. Hoekom? Omdat materialisme daaroor gaan om nog te kry — kry, kry, kry, kry! Dit is jou natuur om te kry en vas te klou. God sê dat elke keer as jy vrygewig is, breek jy die greep en oorwin materialisme in jou lewe.

Terloops, dit is waarom 'n ouer se kinders moet sien hoe hy gee. Wat hulle nodig het is om te sien dat jy vrygewig is, want hulle gaan dit nêrens anders leer nie. Maak seker dat hulle jou vrygewigheid sien, sodat hulle dit ook kan leer.

Die Bybel sê in Matteus 6:24 (NLV): "Niemand kan tegelyk twee base dien nie. Hy sal óf ’n renons in die een hê en van die ander een hou; óf hy sal aan die een lojaal wees en die ander een geringskat. Om God én die geldgod saam te dien, is onmoontlik." Let op dat dit nie sê jy "moet" nie. Dit sê jy "kan" nie. Dit is onmoontlik. Jy kan nie twee prioriteite in jou lewe hê nie. Jy moet kies watter een nommer een gaan wees.

Kies vrygewigheid. As jy leer om vrygewig te wees, soos God vrygewig is met jou, sal jou verhoudings met ander mense en jou verhouding met God verander. Dit sal jou van binne af verander.

Luister vandag na Pastoor Rick se lering >>