Inleiding Tot Die TabernakelstudiesVoorbeeld

DIE OORSPRONG VAN DIE TABERNAKEL

Die tabernakel het sy oorsprong in God gehad (Ex 25:1-9; Heb 8:5). Hierdie tabernakel wat God Moses beveel het om in die woestyn te maak kort nadat Israel uit Egipte verlos is, is ’n volmaakte tipe en skadubeeld van die Here Jesus Christus.

Elke stukkie detail van die tabernakel en sy struktuur, materiaal, meublement en die bediening van die tabernakel openbaar een of ander aspek van die oneindige genade, eienskappe, gawe en persoonlikheid en werk van ons Saligmaker Jesus Christus soos ons lees in Hebreërs:

Hebreërs 10:20

Hebreërs 9:2-8

Hebreërs 9:11-14

Hebreërs 10:1-7;10

In die bestudering van die tabernakel kry ons begrip van die weg wat die Here God berei het, of die stappe wat die Here daargestel het vir ’n sondige volk om toenadering tot ’n Heilige God te kan hê. Die groot doel waarom God die mens geskape het is dat Hy gemeenskap met die mens kan hê. Die tabernakel was dus die plek waar die Here die sondaar ontvang het (Lev 1:4); nou ontvang God die sondaar in Christus (Ef 2:13; Ef 1:5-6; Heb 10:19-20). Die tabernakel was ook die plek waar God die skuldige persoon vergewe het (Lev 4:20,26,31,35; Lev 5:10,16,18); nou ontvang die persoon vergifnis van sonde in Christus (Ef 1:7; Kol 1:14).

Môre begin ons kyk na die detail van die tabernakel.