Oorkom Versoekings — Lesse Uit Jesus se LeweVoorbeeld

Christus se Eerste Versoeking 

Die kern van die eerste versoeking, is die vraag: waar moet 'n persoon se afhanklikheid lê? Die duiwel wou vir Jesus in versoeking lei toe Hy in 'n baie kwesbare toestand was: "As jy die Seun van God is, sê vir hierdie klippe om brood te word". Daar is natuurlik niks verkeerd daarmee om te eet nie. Ons sien herhaaldelik hoe Jesus 'n maaltyd saam met sy dissipels geniet, die vyf duisend voed en selfs by die nagmaal is daar brood betrokke. In hierdie versoeking sien ons egter hoe die duiwel vir Jesus aanspoor om kos die eerste prioriteit te maak, in plaas daarvan om op die Vader te vertrou, om eerder op Homself en sy mag as die Seun van God staat te maak en om sonder die Vader beheer oor die natuurlike wêreld uit te oefen. 

Ons sien egter hoe Jesus (ten spyte van sy kwesbare toestand), Homself aan die Vader onderwerp. Hy haal uit Deuteronomium aan dat 'n mens nie net van brood alleen sal lewe nie, maar van elke woord wat kom uit die mond van God. Hy wys daarop dat, al het Hy mag en beheer oor die natuurlike wêreld, Hy slegs in onderwerping aan die Vader sal optree. Hy kies afhanklikheid van God die Vader bo sy basiese behoefte aan kos. 

Dikwels voel ons lus om self in te gryp. Ons voel ons kan iets doen bloot omdat ons die middele het om dit te doen. Afhanklikheid van God oortref egter alle ander dinge. Al voel ons dat ons die hulpbronne het om 'n sekere taak te verrig of ons voel dat ons in staat is om iets te doen, moet ons nogtans onsself onderwerp aan wat God wil hê ons moet doen voordat ons voortgaan. Matteus 6:33 sê: "beywer julle allereers vir die koninkryk van God en vir die wil van God, dan sal Hy julle ook al hierdie dinge gee." God ís en sal áltyd die Een wees aan wie ons die hoogste lojaliteit moet betoon — alles anders vloei vanuit Hom voort.