21 Dae van Vas en Gebed LeesplanVoorbeeld

Die geluid van donder kon kilometers ver gehoor word, tog was daar geen wolke in die lug nie. Die hoewe van Farao se perde het die Israeliete begin inhaal. Farao en ses honderd van sy beste strydwaens saam met elke beskikbare soldaat was op pad na die reisende skare van vrygestelde slawe.

Hulle vryheid, die hoop wat hulle gevoel het was nie verlore nie. Die Israeliete het na Moses geroep: "Is daar nie begraafplek in Egipte nie dat jy ons saamsleep om in die woestyn te sterwe?" Hulle was nie toegerus om so 'n groot weermag te weerstaan nie.

"Maar Moses het die volk geantwoord: 'Moenie bang wees nie. Staan vas, kyk hoe die Here julle vandag gaan red, want soos julle die Egiptenaars nou daar sien, sal julle hulle nooit weer sien nie. Bly julle maar kalm. Die Here sal vir julle veg'” (Eksodus 14:13-14). 

Dit is presies wat God gedoen het.

Waarvan het jy verlossing nodig? Miskien voel jy soos die Israeliete dat jy vasgevang is. Vir die Israeliete was dit die Rooisee en die Egiptiese weermag. Vir jou mag dit finansiële spanning wees, siekte of sonde. Indien dit is waar jy is, moet jy nie bang wees nie. God sal vir jou veg! Jy moet jou vertroue in Hom plaas, roep uit na Hom en staan sterk in jou tyd van vas en kyk wat Hy gaan doen!