Voltooi die Wedloop van Geloof: Jesus Is Groter Reeks #7 Voorbeeld

Geloof – Bewerk 'n Nalatenskap   

Gedagtes oor die Woord

Kan 'n gelowige die lot van 'n nasie verander of hulle vrymaak? Ja!

Moses het die lot van die volk Israel deur bevryding verander. Hy moes toekomstige geleenthede laat vaar — om een van die grootste volke ter wêreld te lei — om 'n groep weerbarstige slawe te lei. Dit was nie dat Moses sonder vrees was nie — om voor die koning se woede te staan te kom, veroorsaak vrees, maar sy vrees vir God was groter as sy vrees vir die farao. Daarom het hy dus dinge gedoen wat normale mense nie sou doen nie — want sy geloof was deur sy vrees vir God ondersteun.

Dikwels word ons daarvan weerhou om groot dinge vir God te doen weens ons vrees vir mense, situasies, opoffering wat dit van ons of ons gesinne sal verg of die risiko van mislukking — meer as wat ons vrees vir God is. Die lewe van Moses gaan in die eerste plek oor sy vrees vir God wat groter as sy ander vrese was. Dit is die resultaat van wat God alles deur ons kan doen.

Gebed

Vader, ons sal almal graag 'n volk wil verander. Ons wil graag almal 'n nalatenskap agterlaat. Help ons om te verstaan ​​hoeveel geloof en vrees vir God nodig is. Ek het hulp hiermee nodig. Ek wil u Naam meer vrees as enige struikelblok wat ek in die gesig staar. Ek wil meer vrees om dit wat U vir my wil gee, mis te loop as om 'n fortuin te verloor. Ek wil U op 'n nederige weg volg en die lof van hierdie wêreld verloor as dit nodig is. Help my dus om te bid. Help my om na Moses se voorbeeld te kyk — en te leer hoe om in geloof en die vrees van die Here te wandel. In die Naam van Jesus. Amen.