1 & 2 Tessalonisense - Hoop vir 'n beter toekomsVoorbeeld

Lees: 2 Tessalonisense 2:1-2

SOAP: 2 Tessalonisense 2:2

Paulus wil die gelowiges in Tessalonika bemoedig aangaande die dag wanneer Christus sal terugkeer om die aarde te oordeel. Omdat die jong kerk baie erge vervolging ervaar het, het sommige valse leraars gesê dat dit die “dag van die Here” was, maar Paulus moedig die kerk aan om nie van stryk gebring te word of verward te raak deur hulle huidige omstandighede nie. Wanneer Christus weer kom sal Hy dié wat aan Hom behoort versamel, en Sy kinders verwyder van die oordeel wat gaan kom. 

Niemand weet presies wanneer die dag van Christus se wederkoms is nie, maar ons moet in verwagting van Sy naderende wederkoms leef. Die koms van Christus moet ons vul met hoop en nie met vrees nie. Ons kan vertrou dat ons getroue God ons nooit in die steek sal laat nie. 

My Koning, ek sien uit na U glorieryke wederkoms. Help my om te onthou dat U getrou is en te vertrou dat U my nooit in die steek sal laat nie en nooit alleen sal laat nie. Amen