Sewe Eienskappe Van GodVoorbeeld

Heiligheid

Daar is niemand soos ons God nie. Hy is heilig en volmaak in motief en daad, die wese van 'n helder, suiwer lig van liefde en heerlikheid. Hy is absoluut uniek en anders as die lewelose gode van die volke.

God het besluit om sy grootheid en goedheid te toon deur 'n spesiale verhouding met die volk van Israel te hê. Daar was ‘n verwagting dat die seëninge van God se sorg en voorsiening, die mense self sou dring om hulle aan God toe te wy en heilig te word soos Hy is — nie Goddelik nie, maar afgesonder en uniek in aanbidding en daaglikse lewenswandel. Die oproep om heilig te wees, was nie net om Israel anders as ander mense te laat lyk nie — hulle moes heilig wees as gevolg van hul verhouding met God, want God is heilig. Met ander woorde, hul heiligheid het iets van God gesê. Deur reg te leef en in ooreenstemming met God se wil, het bygedra om te identifiseer dat hulle deel van Hom is.

God het aan hulle wette gegee vir gepaste interaksie met die mense en dinge om hulle. Die bedoeling met sy opdragte was dat hulle skoon en onbesmet sou bly. Sommige wette het aangedui wat hulle nie moes aanraak of eet nie — hierdie dinge sou 'n persoon onrein maak. Hierdie wette was slegs van toepassing op antieke Israel, maar die bedoeling daarvan is vandag nog op God se volk van toepassing. Soos die Hebreërs word ons tot heiligheid geroep in ons hele lewenswandel (1 Pet. 1:14 - 16).

Jesus het dit duidelik gemaak wat dit beteken om rein te wees. Hy het hulle onderrig dat dit wat ons onrein maak, van binne kom — uit die hart — nie van die uiterlike dinge wat ons aanraak of eet nie (Mat. 15:1 - 11). Christene leef onder die beskerming van God se genade. Ons vergifnis is volkome en permanent – ons vrees nie dat onreinheid ons sal ontneem van die geregtigheid wat Christus aan ons geskenk het nie. Ons kan aanraak en eet in sorgvuldige vryheid deur die Heilige Gees wat in ons woon en deur ons onderskeiding van sonde.

Ons is heilig as gevolg van Jesus (Heb. 10:10) — en tog roep die Bybel ons op om aan te hou groei in heiligheid terwyl ons onsself van sonde weerhou (1 Tes. 4:1-8). Christene is losgekoopte mense. God het die volste reg om te verwag dat ons in gehoorsaamheid aan sy wil ons dae op aarde sal uitleef. Wanneer ons heilig leef, onderskei ons onsself as God se volk en vereer ons Hom deur gewillige gehoorsaamheid.

Gebed vir Vandag

Dankie Jesus dat U my heilig gemaak het. Help my asseblief om steeds te groei in heiligheid terwyl ek U daagliks opsoek. Help my asseblief om 'n heilige lewe te leef tot u eer. Amen.

Hierdie toewyding is ‘n uittreksel vanThe Jesus Bible, NIV Edition