PSALMS 67:1-7
PSALMS 67:1-7 Die Bybel 2020-vertaling (AFR20)
Vir die •musiekleier. Met snarespel. 'n Psalm. 'n Lied. Mag God ons genadig wees en ons seën; mag Hy die lig van sy aangesig by ons laat skyn. •Sela Mag U pad op die aarde bekend wees, u verlossing onder al die nasies. Mag volke U prys, o God, mag al die volke U prys. Mag nasies bly wees en jubel, want U oordeel volke billik; en nasies, mag U hulle op die aarde lei. Sela Mag volke U prys, o God, mag al die volke U prys. Die aarde het sy opbrengs gelewer. Mag God, ons God, ons seën.
PSALMS 67:1-7 Bybel vir almal (ABA)
Vir die leier van die koor: Met snaarmusiek. 'n Psalm, 'n lied. O God, U moet goed wees vir ons en ons seën, U moet na ons toe kom. Sela Dan sal die mense op die aarde weet wat U wil hê, al die volke sal weet dat U hulle wil red. O God, die volke moet U prys, die volke moet U prys, hulle almal moet dit doen. Die volke moet bly wees en vrolik sing, want wanneer U die volke oordeel, dan doen U reg aan almal. U lei die volke op die aarde. O God, die volke moet U prys, die volke moet U prys, hulle almal moet dit doen. Die aarde het koring en vrugte gegee, God, ons God, seën ons.
PSALMS 67:1-7 Afrikaans 1933/1953 (AFR53)
VIR die musiekleier; met snaarinstrumente. 'n Psalm. 'n Lied. Mag God ons genadig wees en ons seën; mag Hy sy aangesig by ons laat skyn! Sela. Sodat die mense op aarde u weg kan ken, onder al die nasies u heil. Die volke sal U loof, o God, die volke almal saam sal U loof. Die nasies sal bly wees en jubel, omdat U die volke regverdig oordeel en die nasies op aarde lei. Sela. Die volke sal U loof, o God, die volke almal saam sal U loof. Die aarde het sy opbrings gelewer; God, onse God, sal ons seën.
PSALMS 67:1-7 Afrikaans 1983 (AFR83)
Vir die koorleier: met snarespel. 'n Psalm. 'n Lied. Mag God ons genadig wees en ons seën, mag Hy tot ons redding verskyn, Sela sodat sy dade oor die wêreld heen bekend mag word, sy reddende krag onder alle nasies. Mag die volke U loof, o God, mag al die volke U loof! Mag die nasies bly wees en jubel omdat U hulle regverdig regeer en hulle op die aarde lei. Sela Mag die volke U loof, o God, mag al die volke U loof! Die land het sy oes gelewer. God, ons God, het ons geseën.
PSALMS 67:1-7 Contemporary Afrikaans Bible 2023 (CAB23)
God wees ons genadig en seën ons; en laat sy aangesig oor ons skyn; Sela. Sodat u weg op aarde bekend kan word, u reddende gesondheid onder al die nasies. Laat die volke U loof, o God; laat die hele volk U loof. Laat die nasies bly wees en jubel, want U sal die volke regverdig oordeel en die nasies op aarde regeer. Sela. Laat die volke U loof, o God; laat die hele volk U loof. Dan sal die aarde sy opbrings gee; en God, ons eie God, sal ons seën. God sal ons seën; en al die eindes van die aarde sal hom vrees.
PSALMS 67:1-7 Nuwe Lewende Vertaling (NLV)
Mag God ons genadig wees en ons seën. Mag sy goedheid oor ons skyn Sela sodat u werke bekend kan word oor die aarde, u reddende krag onder al die nasies. Mag die volke U prys, o God, mag al die nasies U loof. Laat die nasies bly wees en sing van vreugde, want met billikheid regeer U die volke en lei U die nasies op die aarde. Sela Mag die volke U prys, o God. Mag al die volke U loof. Die aarde het oeste gelewer. God, ons God, sal ons seën.