PSALMS 54:5-7
PSALMS 54:5-7 Bybel vir almal (ABA)
want mense wat ek nie ken nie, wil my aanval, wrede mense wil hê dat ek moet sterf. Hulle maak of daar nie 'n God is nie. Hulle moet weet dat dit God is wat my help, my Here beskerm my lewe. Hy sal aan my vyande die slegte dinge doen wat hulle aan my wou doen. O God, U doen altyd wat U self besluit, U moet hulle vir altyd stil laat word.
PSALMS 54:5-7 Afrikaans 1933/1953 (AFR53)
Want vreemdes staan teen my op, en tiranne soek my lewe; hulle stel God nie voor hul oë nie. Sela. Kyk, God is my helper. Dit is die Here wat my siel ondersteun. Hy sal my vyande die kwaad vergelde. Vernietig hulle in u trou!
PSALMS 54:5-7 Afrikaans 1983 (AFR83)
want vyande staan teen my op, geweldenaars soek my lewe, hulle hou geen rekening met God nie. Sela Maar vir my help God altyd, die Here hou my lewe in stand. Laat die onheil wat my teëstanders beplan, op hulleself neerkom. U is getrou: vernietig hulle.
PSALMS 54:5-7 Die Bybel 2020-vertaling (AFR20)
want vreemdes het teen my opgestaan en gewelddadige mense soek my lewe. Hulle hou God nie voor oë nie. •Sela Kyk, God is vir my 'n helper, my Heer is die Een wat my lewe ondersteun. Hy sal my teenstanders vir hulle kwaad vergeld.
PSALMS 54:5-7 Contemporary Afrikaans Bible 2023 (CAB23)
Hy sal my vyande kwaad vergelde; vernietig hulle in u waarheid. Ek wil vrywillig aan U offer; ek wil U Naam loof, HERE; want dit is goed. Want Hy het my uit alle benoudheid gered, en my oog het sy begeerte na my vyande gesien.
PSALMS 54:5-7 Die Boodskap (DB)
Mense wat ek nie ken nie, probeer my onderkry. Mense wat geweld gebruik, wil my doodmaak. Vir God het hulle geen respek nie. Gelukkig help God my altyd! Die Here hou my lewe in sy hand vas. Hy sal die kwaad wat mense my wil aandoen, op hulle eie koppe laat neerkom. Omdat U goed is vir u kinders, vra ek dat U hulle sommer vinnig van die aarde afvee.
PSALMS 54:5-7 Nuwe Lewende Vertaling (NLV)
Want vreemdelinge val my aan; geweldenaars soek my lewe. Hulle steur hulle nie aan God nie. Sela Maar God is my Helper. Die Here ondersteun my! Laat my vyande se onheilsplanne teen hulle draai. Maak tog ’n einde aan hulle, want U is getrou.