HEBREËRS 12:7-8
HEBREËRS 12:7-8 Afrikaans 1983 (AFR83)
Verdra die tug as opvoeding, want God behandel julle as sy kinders. Is daar miskien 'n kind wat nie deur sy vader getug word nie? As julle nie getug word soos al die ander nie, dan is julle nie werklik sy kinders nie.
HEBREËRS 12:7-8 Bybel vir almal (ABA)
Julle kry swaar sodat julle kan leer, daarom moet julle aanhou glo, want dit is Gód wat julle laat swaarkry omdat julle sy kinders is. Want elke pa leer vir sy kind. God leer vir al sy kinders so. As Hy nie vir julle so kan leer nie, dan is julle buite-egtelike kinders, julle is dan nie God se ware kinders nie.
HEBREËRS 12:7-8 Afrikaans 1933/1953 (AFR53)
As julle die tugtiging verdra, behandel God julle as seuns; want watter seun is daar wat die vader nie tugtig nie? Maar as julle sonder tugtiging is, wat almal deelagtig geword het, dan is julle onegte kinders en nie seuns nie.
HEBREËRS 12:7-8 Die Bybel 2020-vertaling (AFR20)
Verdra dit as tugtiging, want God behandel julle as sy seuns. Want watter seun word nie deur sy vader getug nie? Maar as julle sonder tugtiging is, waaraan almal deel gehad het, dan is julle oneg, en nie egte seuns nie.
HEBREËRS 12:7-8 Contemporary Afrikaans Bible 2023 (CAB23)
As julle tugtiging verdra, behandel God met julle soos met seuns; want watter seun is dit vir wie die vader nie tugtig nie? Maar as julle sonder tugtiging is, waaraan almal deel het, dan is julle basters en nie seuns nie.
HEBREËRS 12:7-8 Die Boodskap (DB)
Leer dan iets uit hierdie slegte dinge wat met julle gebeur, want God maak met julle soos ’n pa wat regtig vir sy kinders omgee. Watter kind word nie soms so deur sy pa gestraf nie? As God julle glad nie reghelp as julle verkeerd doen deur dinge met julle te laat gebeur wat nie baie lekker is nie, moet julle weet dat julle nie regtig sy kinders is nie. Alle kinders word soms gestraf.
HEBREËRS 12:7-8 Nuwe Lewende Vertaling (NLV)
Wanneer God julle as sy kinders dissiplineer, verduur dit dan as deel van sy opvoedingsprogram. Watter kind word nie gedissiplineer nie? As God julle nie dissiplineer soos Hy met al sy kinders doen nie, is julle nie regtig sy kinders nie, maar buite-egtelik.