1 SAMUEL 3:4-11
1 SAMUEL 3:4-11 Die Boodskap (DB)
het die Here Samuel geroep. “Ja, ek kom,” het hy geantwoord en gou na Eli toe gegaan. “U het my geroep. Het u my nodig?” het hy gevra. “Nee, ek het jou nie geroep nie,” het Eli geantwoord. “Gaan lê maar weer.” Hy het toe weer gaan lê. Die Here het weer geroep: “Samuel!” Samuel het opgestaan en na Eli toe gegaan en vir hom gesê: “U het my geroep. Het u my nodig?” Eli het weer geantwoord: “Nee, ek het jou nie geroep nie, my kind. Gaan lê maar weer.” Samuel het toe nog nie die Here geken nie, want die Here het nog nie met hom gepraat nie. Die Here het Samuel die derde keer geroep. Hy het na Eli toe gegaan en gesê: “U het my geroep. Het u my nodig?” Toe besef Eli dat die Here die seun geroep het. Eli sê toe vir Samuel: “Gaan lê, en as Hy jou weer roep, sê jy: ‘Praat maar, Here, u dienaar luister.’” Samuel het weer op sy plek gaan lê. Die Here het gaan staan en soos die vorige kere geroep: “Samuel! Samuel!” Toe antwoord Samuel: “Praat maar, u dienaar luister.” Die Here het toe vir Samuel gesê: “Ek gaan binnekort iets in Israel doen wat elkeen wat dit hoor, se twee ore sal laat tuit.
1 SAMUEL 3:4-11 Nuwe Lewende Vertaling (NLV)
het die HERE geroep: “Samuel!” “Ek kom!” antwoord Samuel. Hy spring op en hardloop na Eli toe. “Hier is ek. U het my geroep!” “Nee, ek het jou nie geroep nie,” antwoord Eli. “Gaan maar terug bed toe.” Hy maak toe so. Die HERE het hom weer geroep. Samuel het weer uit die bed gespring en na Eli toe gehardloop. “Hier is ek,” sê hy. “U het my geroep.” “Ek het jou nie geroep nie, my seun,” sê Eli. “Gaan slaap maar weer.” Samuel het nie vooraf geweet dat dit die HERE is nie, want die HERE het nog nie met hom gepraat nie. Die HERE roep hom toe vir die derde keer, en weer hardloop hy na Eli toe. “Hier is ek,” sê hy. “U het my tog geroep.” Toe besef Eli dat dit die HERE is wat die seun geroep het. Daarom sê hy vir Samuel: “Gaan lê en as iemand weer na jou roep, sê dan: ‘Ja, HERE, u dienaar luister.’” Samuel is weer terug na sy bed toe. Die HERE kom staan toe daar en roep soos die vorige kere: “Samuel, Samuel!” Samuel het geantwoord: “Ja, HERE, u dienaar luister.” Die HERE sê vir Samuel: “Ek is op die punt om ’n skokkende ding in Israel te doen.
1 SAMUEL 3:4-11 Bybel vir almal (ABA)
Die Here het vir Samuel geroep, en Samuel het gesê: “Hier is ek.” Samuel het na Eli toe gehardloop en gesê: “Hier is ek, want jy het my geroep.” Maar Eli het gesê: “Ek het jou nie geroep nie. Gaan slaap weer.” Samuel het gaan slaap. Die Here roep toe weer: “Samuel!” Samuel het opgestaan en hy het na Eli toe gegaan en gesê: “Hier is ek, want jy het my geroep.” Maar Eli het gesê: “My seun, ek het jou nie geroep nie. Gaan slaap weer.” Samuel het nie geweet dat dit die Here is nie, want die Here het nog nie voor daardie tyd met hom gepraat nie. Toe die Here die derde maal vir Samuel roep, het Samuel opgestaan en hy het na Eli toe gegaan en gesê: “Hier is ek, want jy het my geroep.” Eli het toe besef dat dit die Here is wat die seun geroep het, en hy het vir Samuel gesê: “Gaan lê, en wanneer Hy jou weer roep, dan moet jy sê: ‘Praat, Here, ek is u dienaar en ek luister.’ ” Samuel het weer op sy bed gaan lê. Die Here het gekom en Hy het daar gestaan en weer geroep: “Samuel! Samuel!” Samuel het gesê: “Praat asseblief, ek is u dienaar en ek luister.” Die Here het vir Samuel gesê: “Ek sal nou in die land Israel iets doen, elkeen wat dit hoor, sal geskok wees.
1 SAMUEL 3:4-11 Afrikaans 1933/1953 (AFR53)
het die HERE na Samuel geroep; en hy het geantwoord: Hier is ek. Daarop loop hy na Eli en sê: Hier is ek, want u het my geroep. Maar hy antwoord: Ek het nie geroep nie; gaan slaap maar weer. Hy het toe geloop en gaan lê. Verder het die HERE Samuel weer geroep, en Samuel het opgestaan en na Eli gegaan en gesê: Hier is ek, want u het my geroep. Maar hy antwoord: Ek het nie geroep nie, my seun, gaan slaap maar weer. Maar Samuel het die HERE nog nie geken nie; ook was die woord van die HERE nog nie aan hom geopenbaar nie. En die HERE het Samuel weer geroep vir die derde maal; en hy het opgestaan en na Eli gegaan en gesê: Hier is ek, want u het my geroep. Toe merk Eli dat die HERE die seun geroep het. Daarom het Eli vir Samuel gesê: Gaan lê, en as Hy jou roep, moet jy antwoord: Spreek, HERE, want u kneg hoor. Toe het Samuel geloop en op sy plek gaan lê. Toe het die HERE gekom en gaan staan en geroep soos die vorige kere: Samuel, Samuel! En Samuel het geantwoord: Spreek, want u kneg hoor. Toe het die HERE aan Samuel gesê: Kyk, Ek gaan 'n ding doen in Israel waarvan elkeen wat dit hoor, se twee ore sal tuit.
1 SAMUEL 3:4-11 Afrikaans 1983 (AFR83)
en toe roep die Here na Samuel. Samuel het geantwoord: “Ek kom!” Hy het na Eli toe gehardloop en gesê: “Hier is ek, want u het my geroep.” Maar Eli sê: “Ek het nie geroep nie! Gaan lê maar weer.” En Samuel het gaan lê. Die Here het weer na Samuel geroep, en hy het opgestaan, na Eli toe gegaan en gesê: “Hier is ek, want u het my geroep.” Toe sê Eli: “My seun, ek het nie geroep nie! Gaan lê maar weer.” Maar Samuel het nog nie die Here geken nie, want die woord van die Here was nog nie voorheen aan hom geopenbaar nie. Die Here het Samuel toe 'n derde keer geroep, en hy het opgestaan en na Eli toe gegaan en gesê: “Hier is ek, want u het my geroep.” Toe besef Eli dat die Here die seun geroep het, en Eli sê vir Samuel: “Gaan lê en as iemand jou weer roep, sê jy: Praat, Here, u dienaar luister!” Samuel het toe gegaan en op sy slaapplek gaan lê. Die Here het gekom en gaan staan en soos die vorige kere geroep: “Samuel, Samuel!” En Samuel sê: “Praat, Here, u dienaar luister!” Die Here sê toe vir Samuel: “Ek gaan 'n ding in Israel doen wat elkeen wat daarvan hoor, se twee ore sal laat tuit.
1 SAMUEL 3:4-11 Die Bybel 2020-vertaling (AFR20)
Toe roep die HERE na Samuel en hy het geantwoord: “Hier is ek!” Hy hardloop toe na Eli en sê: “Hier is ek, want u het na my geroep.” Maar Eli sê: “Ek het nie geroep nie. Gaan lê maar weer.” Hy het toe gaan lê. Die HERE roep toe weer: “Samuel!” Samuel het opgestaan, na Eli gegaan en gesê: “Hier is ek, want u het na my geroep.” Maar hy antwoord: “Ek het nie geroep nie, my seun. Gaan lê maar weer.” Samuel het nog nie die HERE geken nie, en die woord van die HERE was nog nie aan hom geopenbaar nie. Die HERE roep toe weer na Samuel vir die derde maal. Hy staan toe op, gaan na Eli en sê: “Hier is ek, want u het na my geroep.” Eli besef toe dat dit die HERE is wat na die seun roep. Eli sê toe vir Samuel: “Gaan lê, en as Hy jou roep, moet jy sê, ‘Spreek, HERE, want u dienskneg luister.’ ” Samuel gaan toe en gaan lê op sy plek. Die HERE het gekom en gaan staan, en geroep soos die vorige kere: “Samuel! Samuel!” Samuel het geantwoord: “Spreek, want u dienskneg luister.” Die HERE sê toe vir Samuel: “Kyk, Ek gaan iets doen in Israel wat elkeen wat dit hoor, se twee ore sal laat tuit.
1 SAMUEL 3:4-11 Contemporary Afrikaans Bible 2023 (CAB23)
dat die HERE Samuel geroep het, en hy antwoord: Hier is ek. En hy het na Eli gehardloop en gesê: Hier is ek; want U het my geroep. En hy antwoord: Ek het nie geroep nie; weer gaan lê. En hy het gegaan en gaan lê. En die HERE het weer Samuel geroep. Toe staan Samuel op en gaan na Eli en sê: Hier is ek! want U het my geroep. En hy antwoord: Ek het nie geroep nie, my seun; weer gaan lê. En Samuel het die HERE nog nie geken nie, en die woord van die HERE is nog nie aan hom geopenbaar nie. En die HERE het Samuel weer vir die derde keer geroep. En hy het opgestaan en na Eli gegaan en gesê: Hier is ek! want U het my geroep. En Eli het gemerk dat die HERE die kindjie geroep het. Daarom sê Eli vir Samuel: Gaan lê, en as hy jou roep, moet jy sê: Spreek, HERE! want u kneg luister. Samuel het toe gegaan en op sy plek gaan lê. En die HERE het gekom en gaan staan en geroep soos die vorige kere: Samuel, Samuel! Toe antwoord Samuel: Spreek; want u kneg luister. En die HERE het vir Samuel gesê: Kyk, Ek sal 'n ding in Israel doen, waarvan elkeen wat dit hoor, se albei ore sal tuit.