GÉNESIS 17
17
Circuncisión regua
1Abram noventa y nueve año güɨnoi yave yandeYa oyeechauka chupe, jare jei chupe:
—Che ko jae Tumpa Imbaepuere yae ete vae; eiko cheróvai rupi jare eyapo jupi vaeño, 2añonota morogüɨrökuavee päve yandeyeupe, jare romoñemuñata jeta yae.
3Jayave Abram oyetavatɨka jare itindɨasɨ ɨvɨ re; jare Tumpa imiari jae ndive, jei reve:
4—Kuae ko jae morogüɨrökuavee päve oikota ndeve vae: Jeta vae turä ko nde, 5ngaraa ye ma ndembojee Abram, jae ko añave güive nderee Abraham,#17.5 Abraham, oipota jei: Jeta yae vae tu. echa roñono ma jeta vae reta#Ro 4.17-18. turä. 6Romoñemuñata jeta yae, joko güi ayapota jeta tëtaguasu reta, ndegüi oñemuñata jeta mburuvicha guasu reta. 7Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä#Lc 1.55. vi jekuae avei pegua, aiko vaerä neTumparä. 8Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua;#Hch 7.5-6. jare aikota jae reta iTumparä.
9Tumpa jei pɨau ye Abraham pe:
—Ndepo pe oï remboete vaerä kuae morogüɨrökuavee päve; jaeramiño vi opaete neñemuña reta ou yoapɨ apɨta kuri vae. 10Kuae ko jae cheporogüɨrökuavee päve yamboeteta yandeyeupe vae: Toyembocircuncidauka#Hch 7.8; Ro 4.11. opaete kuimbae reta pepɨte pegua. 11Pembocircuncida pesoo, kuae topɨta omokañɨmaa vaerä morogüɨrökuavee päve, yayapo oyoupe vae. 12Juri ara ma oa güire toyembocircuncida opaete kunumi raɨ pepɨte pe oa vae, jökorai avei toyapo peñemuña reta; pero pe oa vae reta jare opaete perembiokuai korepoti re peguagüe, perëtarambae vae reta. 13Toyembocircuncida ndero pe oa vae reta, jare vi nderembiokuai korepoti re reguagüe; jare jökorai toï jekuae avei morogüɨrökuavee päve pesoo re. 14Kuimbae oyembocircuncidambae, jókuae nunga toyemombo jëtara reta ipɨte güi, echa oyavɨ ko cheporogüɨrökuavee päve kotɨ.
15Tumpa jei vi Abraham pe:
—Nderembireko Sarai ngaraa ma reenɨi Sarai pe, rembojeeta Sara.#17.15 Sara, oipota jei: Imboetea yae vae. 16Cheporerekuata Sara re, jae rupi ameeta nderaɨrä; añetete ko cheporerekuata jese, jare jae ko tëta metei tugüɨ jare metei teko vae ichɨrä, jare tëtaguasu reta juvicha reta chugüi oëta.
17Jayave Abraham oyetavatɨka jare itindɨasɨ ɨvɨ re, opuka jare jei ipɨa pe: “¿Kuimbae cien año ma güɨnoi vae ipuereta ra taɨ, jare Sara noventa año ma güɨnoi vae ipuereta ra ipurúa?” 18Jayave Abraham jei Tumpa pe:
—¡Mbae mona Ismael, jaeño voi remombɨta nderóvai!
19Tumpa jei chupe:
—Añetete ko nderembireko Sara imembɨta ndeve kuri, jare rembojeeta Isaac;#17.19 Isaac, oipota jei: Mbuka. jare amoañeteta cheporogüɨrökuavee päve jae ndive jekuae avei pegua, jare vi iñemuña reta peguarä. 20Ismael regua aendu vi ndeve; cheporerekuata vi jese, jare amoñemuñata jeta yae; doceta taɨ reta, mburuvicharä kuae reta. Iñemuña reta güi oëta tëtaguasu tuicha yae vae. 21Ërei cheporogüɨrökuavee päve oïta Isaac ndiveño, Sara imembɨta ndeve körai yave etei, año outa vae re vae.
22Tumpa opa imiari Abraham ndive yave. Ojo joko güi. 23Jayave Abraham oipɨɨ taɨ Ismael jare opaete jembiokuai jo pe oa vae, jare opaete ikorepoti pe oguagüe, jare opaete kuimbae Abraham jo pegua ombocircuncida reta isoo jókuae ara voi, Tumpa jei chupe rami. 24-25Abraham noventa y nueve año ma güɨnoi jare taɨ Ismael trece año. Jayave oyembocircuncida reta isoo pe. 26Abraham jare taɨ Ismael, jókuae ara voi oyembocircuncidauka reta. 27Jare opaete kuimbae reta jare tembiokuai reta jo pegua, jókuae jo pe oa vae jare ketɨgua ikorepoti re oguagüe oyembocircuncidauka.
Tans Gekies:
GÉNESIS 17: GUABD
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Biblia DC Guaraní Bolivia © Bolivian Bible Society, 2001.
