GÉNESIS 16
16
Agar jare imembɨ Ismael
1Sara mbaetɨ imembɨ Abram pe; jare jae güɨnoi metei tembiokuai kuña Egiptoɨgua, Agar jee vae. 2Jayave Sarai jei Abram pe:
—Reecha ma kërai yandeYa cheapo chemembɨmbae vaerä; añave romoñera rereko vaerä kuae cherembiokuai; güɨramoi jupi anoita chemembɨ retarä.
Jare Abram oyapo jembireko Sarai jei vae. 3Jayave Sarai omee jembiokuai Agar Egiptoɨgua ime Abram jembirekorä, payandepo año ma yogüɨreko reta Canaán pe yave. 4Güɨreko, jare ipurúa chupe; jare jae oikuaa ipurúa ma yave omotareɨ omae iya kuña re. 5Jayave Sarai jei Abram pe:
—¡Nde teko renoi cheve Agar chemotareɨ vaerä! Che amee ndeve rereko vaerä, jare oikuaa ipurúa ma yave chemotareɨ omae cheré. YandeYa tojäa kuae teko ndegüi ani chegüi.
6Abram jei Sarai pe:
—Mase, ko nderembiokuai ndepo pe ko oï, eyapo chupe nde reipota vae.
Jare Sarai güɨreko kaviä vae jeko pegua, Agar otekuarai chugüi. 7Jare yandeYa iaraɨgua oväe chupe ñuu pe, ɨesaɨ oï tape tëta Shur kotɨ ojo vae pe, 8jei chupe:
—Agar, Sarai jembiokuai. ¿Ketɨ güi pa reyu jare ketɨ pa reo?
Agar jei:
—Atekuarai ko aiko cheya Sarai güi.
9YandeYa iaraɨgua jei chupe:
—Eyerova ye ekua ndeya kuña kotɨ, jare eiko jeia re.
10Jei ye chupe:
“Ambojetata neñemuña,
ngaraa opa oyepapa jeta yae güi.
11Añave ndepurúa reï, oata jókuae nemembɨ jare rembojeeta Ismael.#16.11 Ismael, oipota jei: Tumpa oendu.
Echa yandeYa oendu ndepɨatɨtɨ.
12Jae kuimbae pochɨ yae vaerä ko, oñorarota opaete vae ndive
jare opaete vae oñorarota jae ndive,
jare jae oikota jëtara reta ndive, omotareɨ tëi reve.”
13Jayave Agar ombojee yandeYa jae ndive imiari vae: “Nde jae Tumpa chereecha vae”, echa jei: “Tumpa chereecha jare aikoveño.” 14Jáeramo ɨkua ombojee: “Oikove jare chereecha vae iɨkua.” Kuae ɨkua oï Cades jare Bered ipäu pe.
15Agar imembɨ oa, Abram taɨ,#Gl 4.22. jare ombojee Ismael. 16Abram ochenta y seis año güɨnoi yave oa Ismael.
Tans Gekies:
GÉNESIS 16: GUABD
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Biblia DC Guaraní Bolivia © Bolivian Bible Society, 2001.
