1 SAMUEL 15:24-31

Saul sê toe vir Samuel: “Ek het gesondig, want ek het die bevel van die Here en u opdrag oortree omdat ek vir die manskappe bang was en na hulle versoek geluister het. “Vergewe tog nou my sonde en kom saam met my sodat ek tot die Here kan bid.” Maar Samuel sê vir Saul: “Ek sal nie saam met jou gaan nie, want jy het die woord van die Here verwerp en die Here het jou verwerp as koning oor Israel.” Samuel het weggedraai om te loop, maar Saul het die punt van sy mantel gegryp, en dit het geskeur. Toe sê Samuel vir hom: “Die Here het die koningskap van Israel nou van jou afgeskeur en dit gegee aan jou naaste wat beter is as jy. Die Ewige van Israel lieg nie en Hy verander nie van gedagte nie, want Hy is nie 'n mens dat Hy van gedagte sou verander nie.” “Ek het gesondig,” sê Saul toe. “Eer my tog net voor die leiers van die volk en voor Israel deur saam met my te kom sodat ek die Here u God kan aanbid.” Samuel het met Saul saamgegaan, en Saul het die Here aanbid.

Gratis leesplanne en oordenkings oor 1 SAMUEL 15:24-31