Nk Mejô y'atata'a
Mejô y'atata'a
Kalate nkôlan a ne nyô baa ya nnôma kalate Zambe, nyô baa ya bekalate metiñ «nge na bekalate be Môze». A bili bekapitel 40. Nkpwas ya été ô ne bo avale di:
1:1–15:21: Ejipte é mbe ayoñ Israél asoé avale Met 4:17-20 a 47:11 ba liti. Eyoñe mimbu mintet mi lôteya, Israél a maneya fe fôé abui nde Faraoñ njô bôte y'Ejipte a su'ulane zu tibili be ane alo. Zambe nye ke ve zu tabe melo me baa, a wô'ô miñyône mi bôte bé, nde ñhe a zu tobe wua ya été, Môze, na a bo nlitizene wop. A abui bibubua mevale meva, ve zu tindi bôte ya Ejipte a njô bôte wobe na be ve bôte bé éto fili a suu be be ke.
15:22–24:18 Eyoñe Zambe a maneya wulu bôte bé e nkôte si ya Sinayi, nde a zu bo na ayoñ Israél e bo fo'o jôme jé emien a zene ya Elat e nkôle Sinayi yôb a mveane de metiñe mé.
25–31: Zambe a liti ane tabernakel a yiane lôñeban. 32–34: Zambe a yaa ayoñ Israél amu be nga bo nye éve'ela mone nya'a mvot, be nga kañe fe je.
35–40 Nlôñane tabernakel, e vôme Zambe a ye bo a yené'é e be bone b'Israél.
Miñye'elan miziñ
1 Tin éfus ya kalate nkôlan é ne Nk 20:2: Me ne Nti, e Zambe wôé, Nyô a nga bo wo na ô kôlô Ejipte nda belo. Efuse te ja liti atinane jôé a ôyel ôbiene ya kalate nyô, nalé a ne na Zambe Emien Nye a ne nkôté bôte ya ayoñe dé, Israél. Efuse ji é ne fe tine ya metiñ awôm, ajô te nde e Zambe a nga kôté bone b'Israél amu nye'ane wé, e Nye fe a sili be na be liti e nye'ane wob mfa'a wé a zene ya ve metiñe mé mewôk.
2 E biyoñ bise a miaé mise, e be ba bese be tabeya e bibôñeté ya mevale bito bi ali si, kalate nkôlan a liti nyaa nkôtane, nyô Zambe Emien a ne tin asu élat e zañe jé a môt, nalé fe e zañe môt a bôte bevok.
3 Betili mfefé kalate Zambe, be nga nyoñe nyiane Yésus Krist a nga ve bôt ane ntôébane ya nkôlane bone b'Israél Ejipte.
Tans Gekies:
Nk Mejô y'atata'a: BDCB
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Bible en langue Bulu © L'Alliance Biblique du Cameroun, 2007, 2015.