Nk 1
1
Minjuk y'Israél e si y'Ejipte
(Met 46:8-27; Mm 7:14-19; Dt 26:5-6; Sam 105:24-25; Mink 28:14)
1Mana me ne môé me bôt y'Israél be nga ke Ejipte ba be Yakob, be nga ke môt ase a e *nda bôte jé: 2Ruben, Siméoñ, Lévi, Yuda, 3Yisakar, Zabuloñ a Bényamin. 4Dañ a Naftali, Gad, Azér. 5Abime bôt ese e nga bialé e be Yakob e mbe bôt mewôme zamgbwa; ve Yôsep a mbe Ejipte. 6Ane Yôsep a nga wu a bobenyañ bé bese a miaé bôte wé ôse. 7Ane bôte y'Israél be nga biaé a fôé, a bo abui a dañe dañe bo ngu, a jaé si y'Ejipte. 8Mfefé njô bôt ô nga tebe Ejipte ô nji ke yeme Yôsep. 9Ane mfefé njô bôte ôte ô nga jô bôte ya si jé na: Mi lôô bôte y'Israél be ntoo abui a ngu a dañe bia, 10zakan bi bôndane fe'e ya sé'é tañ bôte jab é bo te beta bo abui. Amu nge bita bia kui, be ne lat a besiñ bangan a wosane bia, be su'ulane kôlô nge nyoñe si jangan. 11Ane be nga telé be bivet bisaé bitibela'a na bi ve be bisaé bi ne ayaé ya bo. Ane be nga ve be ésaé ya lôñe Faraon bitisone ya naane akum e Pitom a e Ramzés. 12Abim be nga tibili be, abime te fe Israél a nga fôé a yiane Ejipte ese. 13Ane bôt y'Ejipte be nga tibili ba ya Israél alo a njet ése. 14Enyiñ jab ve bo atyi a ayô amu mfa'ane tyia a mbiban brik, ô laté fe a ésaé ése ya mefup. Bôte ya Ejipte be nga tibili be a mevale mesu bisaé mese me ne ayaé. 15Ane njô bôt y'Ejipte a nga kobô e binga be nga bo ésaé ya bialé binga Beébre be mbe môé na Sifera a Pua na: 16Eyoñ mia bialé binga Beébre a fombô be éyoñ be too e bito ya abiaé yôp, nge mon a ne fam a yiane wu, nge a ne minga a yiane nyiñ. 17Ve bedokita be binga ba be mbe beko Zambe woñ, be nji bo njôane njô bôt mewôk, be ve nyii e bobefam ba bialé. 18Nde njô bôte ya Ejipte a nga loone be a sili be na: Amu jé avale mboone di? Mia nyii bobefam amu jé' 19Ane be nga yalan Faraoñ na: Binga Beébre be nji bo ane ba ya bôte ya Ejipte. Be ne biwôlô amu ba biaé e *zen te na be kui e be bebialé binga. 20Ane Zambe a nga botane bedokita be binga bete, a Israél a nga fôé a dañe bo ngu. 21Amu bedokita be binga ba be nga ko Zambe woñ, nde a nga botane fe menda me bôte map. 22Ane Faraoñ a nga su'ulane bendé ayoñe dé ese na: Monafam ase a ye bialé, mia ye wua nye ôsôé, a mia ye nyii mona minga ase.
Tans Gekies:
Nk 1: BDCB
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Bible en langue Bulu © L'Alliance Biblique du Cameroun, 2007, 2015.
