NAHUM 1:12-15

Die HERE sê: “Selfs al het Assiriërs baie bondgenote, hulle sal vernietig word en van die toneel af verdwyn. My volk, Ek het julle alreeds tevore gestraf, maar Ek sal dit nie weer doen nie. Ek breek nou die juk wat julle onderdruk en bevry julle van hulle oorheersing.” Dit sê die HERE vir die Assiriërs: “Julle sal nie kinders hê wat julle name laat voortleef nie. Al die beelde in julle afgodstempels sal Ek vernietig. Ek berei ’n graf vir julle voor, want julle is afstootlik en verdien nie om te leef nie!” Kyk! ’n Boodskapper met goeie nuus kom oor die berge! Hy bring ’n boodskap van vrede. Mense van Juda, vier julle feeste, betaal julle geloftes. Julle vyande is verslaan! Hulle sal julle land nooit weer binneval nie.

Gratis leesplanne en oordenkings oor NAHUM 1:12-15