1 SAMUEL 16:7-12

Maar die HERE sê vir Samuel: “Moenie volgens voorkoms of grootte of liggaamsbou oordeel nie, want Ek het hom nie gekies nie. Die HERE neem nie besluite soos mense nie! Mense oordeel volgens uiterlike voorkoms, maar die HERE kyk na die binnekant.” Toe roep Isai vir Abinadab en laat hom voor Samuel verbyloop, maar Samuel sê: “Dis ook nie die HERE se keuse nie.” Daarna roep Isai vir Samma, maar Samuel sê: “Hierdie een het die HERE ook nie gekies nie.” Sewe van Isai se seuns is so aan Samuel voorgestel, maar Samuel sê vir Isai: “Die HERE het nie een van hulle gekies nie.” Daarom vra hy: “Is hierdie al jou seuns?” “Die jongste is nie hier nie,” antwoord Isai. “Hy pas die skape op.” “Stuur iemand om hom te gaan haal,” sê Samuel. “Ons kan nie eet voordat hy ook hier is nie.” Isai het so gemaak en hom laat roep. Hy was rooierig van voorkoms, aantreklik met mooi oë. Uiteindelik sê die HERE: “Dis die regte een. Salf hom.”

Gratis leesplanne en oordenkings oor 1 SAMUEL 16:7-12