Ngokuka Luka

uJohane

1 & 2 KwabaseThesalonika

2KwabaseKorinte

KuMaHebheru

iZenzo

KwabaseRoma

1 no 2 kuThimothewu

1KwabaseKorinte

KwabaseGalathiya

<div class="version vid286 iso6393zul" data-vid="286" data-iso6393="zul">
 <div class="book bkMRK">
 <div class="chapter ch9" data-usfm="MRK.9">
 <div class="label">9</div><div class="p"> 1Wayesethi kubo: &#8220;Ngiqinisile ngithi kini: Bakhona abanye kwabemi lapha abangayikuzwa ngempela ukufa, baze babone umbuso kaNkulunkulu ufikile ngamandla.&#8221;</div><div class="s1">Ukukhazimuliswa kukaJesu entabeni</div><div class="r">(Math. 17:1; Luk. 9:28)</div><div class="p"> 2Emva kwezinsuku eziyisithupha uJesu wathatha oPetru, noJakobe, noJohane, wakhuphukela nabo entabeni ende bebodwa; waphenduka esinye isimo phambi kwabo. 3Izingubo zakhe zacwazimula zaba mhlophe qwa, ngangokuba umhlanzi wasemhlabeni angezenze zibe mhlophe kangaka. 4Kwabonakala kubo u-Eliya enoMose; babekhuluma noJesu.</div><div class="p"> 5Wathatha uPetru, wathi kuJesu: &#8220;Rabi, kuhle ukuba silapha; masakhe amadokodo amathathu, elinye libe ngelakho, elinye libe ngelikaMose, elinye libe ngelika-Eliya.&#8221; 6Wayengazi ukuthi uzakuphendula ngokuthini, ngokuba babesaba kakhulu.</div><div class="p"> 7 Kwase kufika ifu, libasithibeza; kwavela izwi efwini, lithi: &#8220;Lo uyiNdodana yami ethandekayo; yizweni.&#8221;</div><div class="p"> 8Kwathi masinyane beqalaza, ababe besabona muntu, kuphela uJesu yedwa enabo.</div><div class="p"> 9Besehla entabeni, wabayala ukuba bangatsheli muntu abakubonileyo, iNdodana yomuntu ingakavuki kwabafileyo. 10Bazigcinela lelo zwi bebuzana ngokuthi kuyini lokho ukuvuka kwabafileyo.</div><div class="p"> 11 Base bembuza, bethi: &#8220;Basholoni ababhali ukuthi u-Eliya umelwe ukufika kuqala na?&#8221;</div><div class="p"> 12 Wayesethi kubo: &#8220;Nempela u-Eliya uyeza kuqala ukuba abuyisele konke; kepha kulotshiwe kanjani ngeNdodana yomuntu ukuthi izakuhlupheka ngokuningi, idelelwe, na? 13 Kodwa ngithi kini: U-Eliya sewafika, benza kuye abakuthandayo, njengalokho kulotshiwe ngaye.&#8221;</div><div class="s1">Ukuphulukiswa komfana onesithuthwane</div><div class="r">(Math. 17:14; Luk. 9:37)</div><div class="p"> 14Kwathi sebeza kubafundi, babona isixuku esikhulu sibahaqile nababhali bebuzana nabo. 15Isixuku sonke sambona qede sashaywa luvalo, sagijimela kuye, sambingelela.</div><div class="p"> 16Wayesebabuza ethi: &#8220;Nibuzana nabo ngantoni na?&#8221;</div><div class="p"> 17Omunye wesixuku wamphendula wathi: &#8220;Mfundisi, ngilethe kuwe indodana yami enomoya oyisimungulu. 18Kuthi lapho eyibambayo, uyidonsela phansi, ikhihlize amagwebu, igedle amazinyo, iphele amandla. Ngikhulume nabafundi bakho ukuba bamkhiphe, kepha bahluleka.&#8221;</div><div class="p"> 19Waphendula wathi: &#8220;O sizukulwane esingakholwayo, koze kube nini nginani na? Koze kube nini nginibekezelela na? Yiletheni kimi.&#8221;</div><div class="p"> 20 Bayiletha kuye. Kwathi umoya embona, wayihlukumeza kakhulu masinyane, yawa phansi emhlabathini, yazigingqa ikhihliza amagwebu.</div><div class="p"> 21Wayesebuza kuyise ukuthi isikhathi sesingakanani ifikelwe yilokhu na?</div><div class="p">Wathi: &#8220;Kwasebuntwaneni. 22Uyiphonsile kaningi emlilweni nasemanzini ukuba ayibhubhise; kodwa uma unamandla okwenza utho, sihawukele, usisize.&#8221;</div><div class="p"> 23 UJesu wayesethi kuye: &#8220;Uma unamandla! Konke kungenzeka kokholwayo.&#8221;</div><div class="p"> 24Uyise womntwana wayesememeza masinyane, wathi: &#8220;Ngiyakholwa, siza ukungakholwa kwami.&#8221;</div><div class="p"> 25UJesu esebona ukuthi isixuku sigijimela ndawonye, wamkhuza umoya ongcolileyo, wathi kuye: &#8220;Wena moya oyisimungulu nesithulu ngiyakuyala mina, ngithi: Phuma kuye, ungabe usangena kuye.&#8221;</div><div class="p"> 26Wamemeza, wamhlukumeza kakhulu, waphuma; waba njengofileyo, baze bathi abaningi: &#8220;Usefile.&#8221; 27Kepha uJesu wambamba ngesandla, wamvusa; wasukuma.</div><div class="p"> 28Kuthe esengenile endlini, abafundi bakhe bambuza bebodwa, bathi: &#8220;Thina besingemkhiphe ngani na?&#8221;</div><div class="p"> 29Wayesethi kubo: &#8220;Lolu hlobo lungephume ngalutho, kuphela ngokukhuleka nangokuzila ukudla.&#8221;</div><div class="s1">UJesu ukhuluma futhi ngokuhlupheka kwakhe</div><div class="r">(Math. 17:22; Luk. 9:43)</div><div class="p"> 30Bamuka lapho, badabula iGalile, wayengathandi ukuba kwaziwe muntu, 31 ngokuba wabafundisa abafundi bakhe, wathi kubo: &#8220;INdodana yomuntu ikhashelwa ezandleni zabantu, bazakuyibulala; kuthi isibulewe, izakuvuka emva kwezinsuku ezintathu.&#8221; 32Kepha abakuzwisisanga lokho kusho, besaba nokumbuza.</div><div class="s1">Ubukhulu obuyibo nezikhubekiso</div><div class="r">(Math. 18:1; Luk. 9:46)</div><div class="p"> 33Base beza eKapernawume. Kwathi esengene endlini, wababuza wathi: &#8220;Beniphendulana ngantoni endleleni na?&#8221; 34Kepha bathula, ngokuba bebekhulumisene endleleni ngokuthi ngubani omkhulu.</div><div class="p"> 35Wayesehlala phansi, wababiza abayishumi nambili, wathi kubo: &#8220;Uma umuntu ethanda ukuba ngowokuqala, makabe ngowokugcina kubo bonke nesikhonzi sabo bonke.&#8221;</div><div class="p"> 36Wayesethatha umntwana, wammisa phakathi kwabo, wamgona, wathi kubo: 37&#8220;Yilowo nalowo oyakwamukela abe munye kubantwana abanje ngegama lami uyangamukela mina, ongamukela mina akamukeli mina kodwa ongithumileyo.&#8221;</div><div class="p"> 38 UJohane wayesethi kuye: &#8220;Mfundisi, sabona umuntu ongasilandeli ekhipha amademoni ngegama lakho; samnqabela ngokuba engasilandeli.&#8221;</div><div class="p"> 39Kepha uJesu wathi: &#8220;Ningamnqabeli, ngokuba akakho owenza umsebenzi wamandla ngegama lami ongasuka masinyane, akhulume kabi ngami. 40Ngokuba ongamelene nathi ungakithi. 41Yilowo nalowo oniphuzisa inkezo yamanzi ngegama lami ngokuba ningabakaKristu, ngiqinisile ngithi kini: Akasoze alahlekelwa ngumvuzo wakhe. 42Nalowo okhubekisa abe munye kulaba abancinyane abakholwayo kungangcono kuye ukuba itshe lokusila ligaxwe entanyeni yakhe, aphonswe elwandle. 43Uma isandla sakho sikukhubekisa, sinqume; kungcono ungene ekuphileni uyingini kunokuba uye esihogweni, emlilweni ongacimekiyo, unezandla zombili, 44lapho impethu yabo ingafi, nomlilo ungacimi. 45Uma unyawo lwakho lukukhubekisa, lunqume; kungcono ungene ekuphileni ulunyonga kunokuba uphonswe esihogweni, emlilweni ongacimekiyo, unezinyawo zombili, 46lapho impethu yabo ingafi, nomlilo ungacimi. 47Uma iso lakho likukhubekisa, likhiphe; kungcono ungene embusweni kaNkulunkulu uneso linye kunokuba uphonswe esihogweni unamehlo omabili, 48 lapho impethu yabo ingafi, nomlilo ungacimi. 49Ngokuba bonke bazakugqunyiswa ngomlilo.</div><div class="p"> 50 &#8220;Usawoti muhle, kepha uma usawoti engasenabusawoti, niyakumhlaziya ngani na? Yibani nosawoti phakathi kwenu, nihlalisane ngokuthula.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkMRK">
 <div class="chapter ch10" data-usfm="MRK.10">
 <div class="label">10</div><div class="s1">Ukuhlalisana kwabaganeneyo</div><div class="r">(Math. 19:1; Luk. 16:18)</div><div class="p"> 1Wasuka lapho, weza emikhawulweni yaseJudiya nangaphesheya kweJordani; izixuku zabuye zabuthana kuye, waphinda wabafundisa abantu njengokujwayela kwakhe. 2Kwase kusondela kuye abaFarisi, bambuza ukuthi kuvunyelwe yini ukuba indoda ilahle umkayo, bemlinga. 3Waphendula, wathi kubo: &#8220;UMose waniyala ngokuthini na?&#8221;</div><div class="p"> 4 Bathi: &#8220;UMose wavuma ukuba kulotshwe incwadi yesahlukaniso, alahlwe.&#8221;</div><div class="p"> 5UJesu wayesethi kubo: &#8220;Ngenxa yobulukhuni benhliziyo yenu wanilobela lowo myalo. 6 Kepha kusukela ekuqaleni kokudalwa uNkulunkulu wabenza owesilisa nowesifazane. 7 Ngenxa yalokho umuntu uyakushiya uyise nonina, anamathele kumkakhe; 8labo ababili bayakuba nyamanye; ngakho abasebabili, kepha sebenyamanye. 9Ngakho-ke lokho akuhlanganisileyo uNkulunkulu makungahlukaniswa ngumuntu.&#8221;</div><div class="p"> 10Besendlini abafundi babuye bambuza ngalokho. 11 Wathi kubo: &#8220;Yilowo nalowo olahla umkakhe, aganwe ngomunye, uyaphinga kuye. 12Naye, uma elahla indoda yakhe, agane enye, uyaphinga.&#8221;</div><div class="s1">Ukubusiswa kwabantwana</div><div class="r">(Math. 19:13; Luk. 18:15)</div><div class="p"> 13Khona baletha kuye abantwanyana ukuba abaphathe; kepha abafundi babakhuza. 14Kodwa uJesu ekubona wathukuthela, wathi kubo: &#8220;Vumelani abantwana beze kimi, ningabenqabeli, ngokuba umbuso kaNkulunkulu ungowabanjalo. 15Ngiqinisile ngithi kini: Yilowo nalowo ongamukeli umbuso kaNkulunkulu njengomntwana kasoze angena kuwo.&#8221; 16Wabagona, wababusisa ebeka izandla phezu kwabo.</div><div class="s1">Insizwa enothileyo</div><div class="r">(Math. 19:16; Luk. 18:18)</div><div class="p"> 17Ekuphumeni kwakhe ukuya endleleni umuntu wagijimela kuye, waguqa ngamadolo phambi kwakhe, wambuza wathi: &#8220;Mfundisi omuhle, ngiyakwenzani ukuba ngidle ifa lokuphila okuphakade na?&#8221;</div><div class="p"> 18Kepha uJesu wathi kuye: &#8220;Ungibizelani ngokuthi ngimuhle na? Kakho omuhle, munye kuphela, uNkulunkulu. 19 Uyayazi imiyalelo ukuthi: Ungabulali, ungaphingi, ungebi, ungafakazi amanga, ungamamuki umuntu utho, yazisa uyihlo nonyoko.&#8221;</div><div class="p"> 20Kepha wathi kuye: &#8220;Mfundisi, konke lokho ngikugcinile kwasebusheni bami.&#8221;</div><div class="p"> 21UJesu wayesembheka, emthanda, wathi kuye: &#8220;Usasilalelwe into inye; hamba uthengise ngakho konke onakho, uphe abampofu, khona uzakuba negugu ezulwini; uze ungilandele.&#8221;</div><div class="p"> 22Kepha wanyukumala ngalelo zwi, wamuka edabukile, ngokuba wayenengcebo enkulu.</div><div class="p"> 23UJesu waqalaza, wathi kubafundi bakhe: &#8220;Kulukhuni kangakanani kwabanomnotho ukungena embusweni kaNkulunkulu.&#8221;</div><div class="p"> 24Kepha abafundi bethuka ngamazwi akhe. UJesu wabuye waphendula, wathi kubo: &#8220;Bantwana, kulukhuni kangakanani kwabethemba umnotho ukungena embusweni kaNkulunkulu. 25Kulula ukuba ikamela lingene ngentunja yosungulo kunokuba onothileyo angene embusweni kaNkulunkulu.&#8221;</div><div class="p"> 26Bamangala kakhulu, bathi omunye komunye: &#8220;Pho, kungasindiswa bani na?&#8221;</div><div class="p"> 27 UJesu ebabheka wathi: &#8220;Kubantu akunakwenzeka, kepha kuNkulunkulu akunjalo; ngokuba kuNkulunkulu kungenzeka konke.&#8221;</div><div class="s1">Umvuzo wokuzidela</div><div class="r">(Math. 19:27; Luk. 18:28)</div><div class="p"> 28UPetru wathatha, wathi kuye: &#8220;Bheka, thina sishiye konke, sakulandela.&#8221;</div><div class="p"> 29UJesu wathi: &#8220;Ngiqinisile ngithi kini: Akukho muntu oshiye indlu, noma abafowabo, noma odadewabo, noma unina, noma uyise, noma abantwana, noma amazwe ngenxa yami nangenxa yevangeli, 30ongayikwamukeliswa ngekhulu: manje kulesi sikhathi izindlu, nabafowabo, nawodadewabo, nawonina, nabantwana, namazwe kanye nokuzingelwa, nasenkathini ezayo ukuphila okuphakade. 31Kepha abaningi abokuqala bayakuba ngabokugcina, nabokugcina babe ngabokuqala.&#8221;</div><div class="s1">UJesu ukhuluma futhi ngokufa nokuvuka kwakhe</div><div class="r">(Math. 20:17; Luk. 18:31)</div><div class="p"> 32Babesendleleni bekhuphukela eJerusalema; uJesu wayehamba phambi kwabo; ababelandela babethukile, besaba. Wayesethatha futhi abayishumi nambili, waqala ukubatshela okuzakumehlela, ethi: 33&#8220;Bhekani, sikhuphukela eJerusalema; iNdodana yomuntu izakukhashelwa kubapristi abakhulu nababhali; bazakuyinqumela ukuba ife, bayikhaphele kwabezizwe; 34bazakuyiklolodela, bayikhafulele ngamathe, bayishaye, bayibulale; kepha emva kwezinsuku ezintathu izakuvuka.&#8221;</div><div class="s1">UJesu ukhuza amadodana kaZebedewu</div><div class="r">(Math. 20:20)</div><div class="p"> 35Kwase kusondela kuye oJakobe noJohane amadodana kaZebedewu, bathi kuye: &#8220;Mfundisi, siyathanda ukuba usenzele lokhu esizakukucela kuwe.&#8221;</div><div class="p"> 36Wathi kubo: &#8220;Nifuna ukuba nginenzeleni na?&#8221;</div><div class="p"> 37Bathi kuye: &#8220;Siphe ukuba sihlale, omunye ngakwesokunene sakho, omunye ngokwesokhohlo sakho enkazimulweni yakho.&#8221;</div><div class="p"> 38Kepha uJesu wathi kubo: &#8220;Anikwazi enikucelayo. Ningasiphuza yini isitsha engisiphuzayo mina, nibhapathizwe ngombhapathizo engibhapathizwa ngawo na?&#8221;</div><div class="p"> 39Bathi kuye: &#8220;Singakwenza.&#8221;</div><div class="p">UJesu wathi kubo: &#8220;Isitsha engisiphuzayo mina niyakusiphuza, nibhapathizwe ngombhapathizo engibhapathizwa ngawo mina; 40kepha ukuhlala ngakwesokunene sami nangakwesokhohlo akusikho okwami ukuphana ngakho, kodwa kungokwalabo abakulungiselweyo.&#8221;</div><div class="p"> 41Bathi ukuzwa lokho abayishumi, baqala ukuthukuthelela oJakobe noJohane. 42UJesu wayesebabiza, wathi kubo: &#8220;Niyazi ukuthi abathiwa babusa izizwe bazenza amakhosi phezu kwazo, nezikhulu zazo ziphethe amandla phezu kwazo. 43Kepha akunjalo phakathi kwenu, kodwa yilowo nalowo ofuna ukuba mkhulu phakathi kwenu makabe yisikhonzi senu, 44nalowo ofuna ukuba ngowokuqala phakathi kwenu makabe yinceku yabo bonke. 45 Ngokuba nayo iNdodana yomuntu ayizelanga ukukhonzwa kepha ukukhonza nokunikela ukuphila kwayo, kube yisihlengo sabaningi.&#8221;</div><div class="s1">UBartimewu impumputhe</div><div class="r">(Math. 20:29)</div><div class="p"> 46Khona bafika eJeriko. Kwathi esaphuma eJeriko nabafundi bakhe nesixuku esikhulu, indodana kaThimewu uBartimewu, isinxibi esiyimpumputhe, wayehlezi ngasendleleni. 47Wathi ukuba ezwe ukuthi nguJesu waseNazaretha, waqala ukumemeza ethi: &#8220;Jesu, Ndodana kaDavide, ngihawukele!&#8221;</div><div class="p"> 48Abaningi bamkhuza, bathi kathule; kepha kwayikhona wamemeza kakhulu, ethi: &#8220;Ndodana kaDavide, ngihawukele!&#8221;</div><div class="p"> 49Wayesema uJesu, wathi: &#8220;Mbizeni.&#8221;</div><div class="p">Bayibiza impumputhe, bathi kuyo: &#8220;Yima isibindi, usukume; uyakubiza.&#8221; 50Yayisilahla ingubo yayo, yagxuma, yaya kuJesu.</div><div class="p"> 51UJesu washo kuyo, wathi: &#8220;Ufuna ukuba ngikwenzeleni na?&#8221;</div><div class="p">Impumputhe yathi kuye: &#8220;Rabuni, ukuba ngibone.&#8221;</div><div class="p"> 52 UJesu wathi kuyo: &#8220;Hamba-ke; ukukholwa kwakho kukusindisile.&#8221; Yayisibona khona lapho, yamlandela endleleni.</div>
 </div>
 </div>
</div>

NgokukaMarkuIsampula

UmBhalo

Mayelana naloluHlelo

Izinhlelo zohlobo olufanayo