Ngokuka Luka

uJohane

1 & 2 KwabaseThesalonika

2KwabaseKorinte

KuMaHebheru

iZenzo

KwabaseRoma

1 no 2 kuThimothewu

1KwabaseKorinte

KwabaseGalathiya

<div class="version vid286 iso6393zul" data-vid="286" data-iso6393="zul">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="s1">UJesu uphilisa ngesabatha</div><div class="r">(Math. 12:1; Luk. 6:6)</div><div class="p"> 1Khona wabuye wangena esinagogeni.* Kwakukhona lapho umuntu onesandla esishwabeneyo. 2Bamqaphela ukuba uzakumphilisa yini ngesabatha, ukuze bambeke icala. 3Wathi kumuntu onesandla esishwabeneyo: &#8220;Sukuma, ume phakathi.&#8221;</div><div class="p"> 4Wayesethi kubo: &#8220;Kuvunyelwe ngesabatha ukwenza okuhle noma okubi yini, ukusindisa umuntu noma ukumbulala na?&#8221; Kepha bathula.</div><div class="p"> 5Waqalaza ebabuka ngokuthukuthela, edabukile ngobulukhuni benhliziyo yabo; wayesethi kulowo muntu: &#8220;Yelula isandla.&#8221; Waselula, saphiliswa isandla sakhe. 6 AbaFarisi base bephuma masinyane bacebisana ngaye nabakaHerode ukuthi bangambhubhisa kanjani.</div><div class="p"> 7UJesu wasuka kanye nabafundi bakhe, waya ngaselwandle; isixuku esikhulu samlandela sivela eGalile, naseJudiya, 8 naseJerusalema, nase-Idumiya, nangaphesheya kweJordani, nangaseTire, naseSidoni; isixuku esikhulu sesizwile konke akwenzayo seza kuye. 9Wayeseyala abafundi bakhe ukuba isikebhe simlindele ngenxa yesixuku sabantu, ukuze bangamcindezeli, 10ngokuba wayephulukisa abaningi, kwaze kwathi bonke abanezifo bawela phezu kwakhe ukuba bamnamathe. 11 Nawomoya abangcolileyo bathi ukuba bambone, bawa phansi phambi kwakhe, bamemeza bathi: &#8220;Wena uyiNdodana kaNkulunkulu.&#8221; 12 Wabayalisisa ukuba bangamzwakalisi.</div><div class="s1">Ukukhethwa kwabaphostoli</div><div class="r">(Math. 10:1; Luk. 6:12)</div><div class="p"> 13Wayesenyukela entabeni, wabizela kuye abebafuna yena; beza kuye. 14Wamisa abayishumi nambili ukuba babe naye nokuba abathume baye kushumayela, 15babe namandla okukhipha amademoni. 16 Wayesemisa laba abayishumi nambili: uSimoni owamqamba igama lokuthi uPetru, 17 noJakobe kaZebedewu, noJohane umfowabo kaJakobe; laba wabaqamba igama lokuthi oBowanergesi okungukuthi amadodana okuduma; 18no-Andreya, noFiliphu, noBartolomewu, noMathewu, noTomase, noJakobe ka-Alfewu, noThadewu, noSimoni umKhanani, 19noJuda Iskariyothe owamkhaphelayo.</div><div class="s1">Isono sokuhlambalaza</div><div class="r">(Math. 12:22; Luk. 11:14)</div><div class="p"> 20Wayesefika ekhaya; isixuku sabuthana futhi, ababe besaba nathuba lokudla nasinkwa. 21Abakubo sebekuzwile baphuma ukuyombamba, ngokuba bathi uyahlanya.</div><div class="p"> 22Nababhali abehla bevela eJerusalema bathi: &#8220;UnoBelzebule, ukhipha amademoni ngombusi wamademoni.&#8221;</div><div class="p"> 23Wayesebabiza, wakhuluma kubo ngemifanekiso, ethi: &#8220;USathane angakhipha kanjani uSathane na? 24Uma umbuso wahlukene wodwa, lowo mbuso ungeme. 25Nendlu, uma yahlukene yodwa, leyo ndlu ayizukuma. 26NoSathane, uma ezivukela yena, ahlukane, akanakuma, kepha uyaphela. 27Yebo, akakho ongangena endlini yesiqhwaga, aphange impahla yaso, uma engabophi kuqala isiqhwaga, andukuba aphange indlu yaso. 28 Ngiqinisile ngithi kini: Abantwana babantu bayakuthethelelwa izono zonke nokuhlambalaza noma kungakanani abangahlambalaza ngakho, 29kepha lowo ohlambalaza uMoya oNgcwele kanakuthethelelwa naphakade, kodwa unecala lesono esingapheliyo.&#8221; 30Ngokuba bathi unomoya ongcolileyo.</div><div class="s1">Izihlobo eziyizo zikaJesu</div><div class="r">(Math. 12:46; Luk. 8:19)</div><div class="p"> 31Kwase kufika unina nabafowabo, bema ngaphandle, bathumela kuye bembiza. 32Isixuku sabantu sasimphahlile; bathi kuye: &#8220;Bheka, unyoko nabafowenu nawodadewenu bangaphandle bekufuna.&#8221;</div><div class="p"> 33Wabaphendula wathi: &#8220;Ngubani umame nabafowethu na?&#8221;</div><div class="p"> 34Waqalaza ebuka ababehlezi bemphahlile, wathi: &#8220;Bhekani, nangu umame nabafowethu. 35Ngokuba owenza intando kaNkulunkulu nguye ongumfowethu nodadewethu nomame.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s1">Umfanekiso womhlwanyeli nowembewu ezimilelayo noweyesinaphi</div><div class="r">(Math. 13:1; Luk. 8:4; 13:18)</div><div class="p"> 1Khona wabuye waqala ukufundisa ngaselwandle. Kwabuthana kuye isixuku esikhulu kakhulu, waze wangena emkhunjini, wahlala elwandle; isixuku sonke sasisemhlabathini ngaselwandle. 2Wabafundisa okuningi ngemifanekiso; wathi kubo ekufundiseni kwakhe: 3&#8220;Lalelani; bhekani, kwaphuma umhlwanyeli ukuyohlwanyela. 4Kwathi ekuhlwanyeleni kwakhe enye imbewu yawela ngasendleleni; kwafika izinyoni, zayidla zayiqeda. 5Enye yawela edwaleni, lapho yayingenamhlabathi omningi khona; yamila masinyane, ngokuba ingenamhlabathi ojulileyo. 6Kwathi ukuba liphume ilanga, yahamuka; nangokuba ingenampande, yabuna. 7Enye yawela emeveni; ameva akhula, ayiminyanisa, ayaze yathela isithelo. 8Enye yawela emhlabathini omuhle; yahluma, yakhula, yathela isithelo, yaveza ngamashumi amathathu, nangamashumi ayisithupha, nangekhulu.&#8221;</div><div class="p"> 9Wayesethi: &#8220;Onezindlebe zokuzwa makezwe.&#8221;</div><div class="p"> 10Lapho esengasesitha, ababe naye kanye nabayishumi nambili bambuza ngale mifanekiso. 11Wathi kubo: &#8220;Nina niphiwe imfihlakalo yombuso kaNkulunkulu, kodwa abangaphandle benzelwa konke ngemifanekiso, 12 ukuze ngokubona babone, bangabonisisi, nangokuzwa bezwe, bangaqondi, funa baphenduke, bathethelelwe.&#8221;</div><div class="p"> 13Wayesethi kubo: &#8220;Aniwazi lo mfanekiso; pho, niyakuyazi kanjani yonke imifanekiso na? 14Umhlwanyeli uhlwanyela izwi. 15Abangasendleleni yilabo abathi lapho kuhlwanyelwa khona izwi, nanxa sebelizwile, kufike masinyane uSathane, alisuse izwi elihlwanyelwe kubo. 16Kanjalo abahlwanyelwe edwaleni yilabo abathi sebelizwile izwi, balamukele masinyane ngokuthokoza; 17kepha kabanampande phakathi kwabo, kodwa bahlala isikhashana nje, kuthi sekuvele ukuhlupheka nokuzingelwa ngenxa yezwi, bakhubeke masinyane. 18Abanye bangabahlwanyelwe emeveni; yibo abalizwile izwi, 19 kepha iminako yalesi sikhathi, nokukhohlisa kwengcebo, nokunxanela ezinye izinto kungena kuliminyanise izwi, libe ngelingatheliyo. 20Nabahlwanyelwe emhlabathini omuhle yilabo abalizwa izwi, balamukele, bathele isithelo ngamashumi amathathu, nangamashumi ayisithupha, nangekhulu.&#8221;</div><div class="p"> 21Wayesethi kubo: &#8220;Imbala isibani siza ukuba sibekwe phansi kwesitsha nokuba phansi kombhede yini, singabekwa othini, na? 22Ngokuba akukho okusithekileyo okungayikuhlalukiswa; akukho okuyisifuba okungayikuba sobala. 23Uma ekhona onezindlebe zokuzwa, makezwe.&#8221;</div><div class="p"> 24Wayesethi kubo: &#8220;Qaphelani enikuzwayo; ngaleso silinganiso enilinganisa ngaso nani niyakulinganiselwa ngaso, nenezelwe nina. 25 Ngokuba onakho uyakuphiwa; kepha ongenakho uyakwamukwa nalokho anakho.&#8221;</div><div class="p"> 26Wayesethi: &#8220;Unjalo umbuso kaNkulunkulu; unjengokuba umuntu ephonsa imbewu emhlabathini, 27alale, avuke ubusuku nemini, imibewu imile, ikhule, engazi ukuthi kanjani. 28Umhlabathi uthela isithelo ngokwawo, kuqala ikhaba, khona isikhwebu, besekuba yizinhlamvu ezipheleleyo esikhwetshini. 29Nxa sesivuthiwe isithelo, afake masinyane isikela, ngokuba ukuvuna sekufikile.&#8221;</div><div class="p"> 30Wathi futhi: &#8220;Siyakuwufanisa nani umbuso kaNkulunkulu? Siyakuwuchaza ngamfanekiso muni na? 31Unjengenhlamvu yesinaphi ethi, nxa ihlwanyelwe emhlabathini, incinyane kunazo zonke izimbewu ezisemhlabeni, 32kodwa nxa isihlwanyelwe imila ibe nkulu kunazo zonke izilimo, ixhante amagatsha amakhulu, ukuze izinyoni zezulu zakhele emthunzini wawo.&#8221;</div><div class="p"> 33Walikhuluma izwi kubo ngemifanekiso eminingi enjalo njengamandla abo okuzwa; 34kodwa ngaphandle komfanekiso kakhulumanga kubo; kepha sebebodwa wabachasisela abafundi bakhe konke.</div><div class="s1">Ukuthuliswa kwesivunguvungu</div><div class="r">(Math. 8:23; Luk. 8:22)</div><div class="p"> 35Ngalolo suku sekuhlwile, wathi kubo: &#8220;Asiwele siye ngaphesheya.&#8221; 36Base bemukisa isixuku, bahamba naye, njengalokho ebesemkhunjini; kwakukhona neminye imikhumbi ihambisana naye. 37Kwase kuvuka isivunguvungu esikhulu somoya, amaza aphonseka phakathi emkhunjini, umkhumbi waze waqala ukugcwala. 38Kepha yena wayengasemuva emkhunjini elele esicamelweni; bamvusa, bathi kuye: &#8220;Mfundisi, awunaki, nakuba sibhubha, na?&#8221;</div><div class="p"> 39Wayesevuka, wakhuza umoya, wathi kulo ulwandle: &#8220;Thula, uthi du.&#8221; Kwanqamuka umoya, kwaba khona ukuthula okukhulu.</div><div class="p"> 40Wathi kubo: &#8220;Yini ukuba nesabe kangaka na? Yini ukuba ningabi nakukholwa na?&#8221;</div><div class="p"> 41Besaba ngokwesaba okukhulu, bathi omunye komunye: &#8220;Kanti lo ungubani, lokhu nomoya nolwandle kuyamlalela?&#8221;</div>
 </div>
 </div>
</div>

NgokukaMarkuIsampula

UmBhalo

Mayelana naloluHlelo

Izinhlelo zohlobo olufanayo