Ngokuka Luka

uJohane

1 & 2 KwabaseThesalonika

2KwabaseKorinte

KuMaHebheru

iZenzo

KwabaseRoma

1 no 2 kuThimothewu

1KwabaseKorinte

KwabaseGalathiya

<div class="version vid286 iso6393zul" data-vid="286" data-iso6393="zul">
 <div class="book bkMRK">
 <div class="chapter ch5" data-usfm="MRK.5">
 <div class="label">5</div><div class="s1">Ukukhishwa kwamademoni</div><div class="r">(Math. 8:28; Luk. 8:26)</div><div class="p"> 1Base befika phesheya kolwandle ezweni lamaGerasa. 2Esephume emkhunjini, kwahlangana naye masinyane umuntu ovela emathuneni, enomoya ongcolileyo. 3Wayehlala emathuneni, kungasekho muntu ongambopha nangeketanga; 4ngokuba wayeseboshwe kaningi ngawozankosi nangamaketanga, kepha amaketanga ayegqashuliwe nguye nawozankosi babephuliwe, kungekho noyedwa owayenamandla okumthambisa. 5Ngesikhathi sonke ubusuku nemini wayesemathuneni nasezintabeni, ememeza, ezilimaza ngamatshe.</div><div class="p"> 6Wathi ukuba ambone uJesu esekude, wagijima, wakhuleka kuye; 7wayesememeza ngezwi elikhulu, ethi: &#8220;Nginamsebenzi muni nawe Jesu, Ndodana kaNkulunkulu oPhezukonke? Ngikufungisa uNkulunkulu, ungangihluphi.&#8221; 8Ngokuba wathi kuye: &#8220;Phuma kulo muntu, moya ongcolileyo.&#8221;</div><div class="p"> 9Wayesembuza ethi: &#8220;Ngubani igama lakho?&#8221;</div><div class="p">Wathi kuye: &#8220;NginguLegiyona* igama lami, ngokuba sibaningi.&#8221; 10Wamncenga kakhulu ukuba angabamukisi kulelo zwe.</div><div class="p"> 11Kwakukhona lapho ngasentabeni umhlambi omkhulu wezingulube ziklabile. 12Bamncenga bathi: &#8220;Sithumele ezingulubeni ukuba singene kuzo.&#8221; 13Wabavumela. Omoya abangcolileyo baphuma, bangena ezingulubeni; umhlambi wagulukudela eweni, waphonseka elwandle kungathi izinkulungwane ezimbili, zaminza elwandle.</div><div class="p"> 14Ababezalusa babaleka, baya babika emzini nasemaphandleni; base beza ukuyobona okwenzekileyo. 15Bafika kuJesu, bambona obekhwelwe ngamademoni ehlezi embethe, esangulukile, yena owayenelegiyona;* base besaba. 16Ababekubonile babatshela ukuthi kwenzeke kanjani kowayekhwelwe ngamademoni, nangezingulube. 17Base beqala ukumncenga ukuba amuke ezweni lakubo.</div><div class="p"> 18Wathi ukuba angene emkhunjini, lowo owayekhwelwe ngamademoni wamncenga ukuba abe naye. 19Akamvumelanga, kepha wathi kuye: &#8220;Hamba uye ekhaya kwabakini, ubabikele ukuthi kungakanani iNkosi ekwenzele khona, yakuhawukela.&#8221; 20Wamuka-ke, waqala ukulanda eDekapholi ngokuthi kungakanani abekwenzile kuye uJesu; bamangala bonke.</div><div class="s1">Indodakazi kaJayiru ivuswa ekufeni</div><div class="r">(Math. 9:18; Luk. 8:40)</div><div class="p"> 21Khona uJesu esebuye ewelele ngaphesheya ngomkhumbi, kwabuthana isixuku esikhulu kuye engaselwandle. 22Kwase kufika omunye wabaphathi besinagoge,* nguJayiru igama lakhe, owathi ukuba ambone, waziphonsa phansi ngasezinyaweni zakhe, 23wamncenga kakhulu, wathi: &#8220;Indodakazi yami isiyalela; ake uze, ubeke izandla phezu kwayo ukuba isindiswe, iphile.&#8221; 24Wahamba naye. Isixuku esikhulu samlandela, samcindezela.</div><div class="p"> 25Owesifazane owayenomopho iminyaka eyishumi nambili, 26ehluphekile ngokuningi ezinyangeni eziningi, echithile konke ayenakho, engasizakalanga ngalutho, kodwa kwayilokhu kuqhubeka, 27esezwile ngoJesu, weza esixukwini ngasemuva, wathinta ingubo yakhe, 28ngokuba wathi: &#8220;Uma ngingathinta nje izingubo zakhe, ngizakusindiswa.&#8221; 29Kwanqamuka masinyane umthombo wegazi lakhe, wezwa emzimbeni ukuthi uphulukile enhluphekweni yakhe.</div><div class="p"> 30 Wanele ukuzwa uJesu phakathi kwakhe ukuthi amandla aphumile kuye, waphendukela esixukwini, wathi: &#8220;Ngubani othinte izingubo zami na?&#8221;</div><div class="p"> 31Abafundi bakhe bathi kuye: &#8220;Uyabona isixuku sikucindezela, usuthi: &#8216;Ngubani ongithintileyo na?&#8217; &#8221;</div><div class="p"> 32Waqalaza ukuba ambone owenzile lokho. 33Khona owesifazane esaba ethuthumela, azi okwenzekile kuye, weza waziphonsa phansi phambi kwakhe, wamtshela iqiniso lonke. 34 Wayesethi kuye: &#8220;Ndodakazi, ukukholwa kwakho kukusindisile; hamba ube nokuthula; usuphulukile enhluphekweni yakho.&#8221;</div><div class="p"> 35Esakhuluma, kwafika abomphathi wesinagoge,* bathi: &#8220;Indodakazi yakho isifile; usamkhathazelani uMfundisi na?&#8221;</div><div class="p"> 36Kwathi ukuba uJesu ezwile izwi elishiwoyo, wathi kumphathi wesinagoge*: &#8220;Ungesabi, kholwa kuphela.&#8221;</div><div class="p"> 37Akavumelanga muntu amlandele, kuphela oPetru, noJakobe, noJohane umfowabo kaJakobe. 38Bafika-ke endlini yomphathi wesinagoge,* wabona isiyaluyalu nabakhalayo nabalila kakhulu. 39Wangena, wathi kubo: &#8220;Niyaluzelani, nikhalelani na? Umntwana akafile, kodwa ulele.&#8221; 40Bamhleka usulu.</div><div class="p">Kepha yena wabakhipha bonke, wathatha uyise womntwana nonina kanye nababe naye, wangena lapho kulele khona umntwana. 41Wabamba umntwana ngesandla, wathi kuye: &#8220;Thalitha, kumi,&#8221; okungukuthi ngokuhunyushwa: &#8220;Ntombazana, ngithi kuwe, vuka!&#8221; 42Yayisivuka masinyane intombazana, yahamba; ngokuba yayineminyaka eyishumi nambili. Khona bamangala ngokumangala okukhulu. 43Wabayalisisa ukuba lokhu kungaziwa muntu; futhi wathi mayiphiwe ukudla.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkMRK">
 <div class="chapter ch6" data-usfm="MRK.6">
 <div class="label">6</div><div class="s1">UJesu udelelwa ngabaseNazaretha</div><div class="r">(Math. 13:53; Luk. 4:16)</div><div class="p"> 1Khona wamuka lapho, waya ezweni lakubo; abafundi bakhe bamlandela. 2Sekufikile isabatha, waqala ukufundisa esinagogeni.* Abaningi abamuzwayo bamangala bathi: &#8220;Lo ukuthathaphi lokhu na? Ukuhlakanipha kuni akunikiwe lona na? Nemisebenzi yamandla enje yenziwe ngezandla zakhe na? 3 Lo akusiye umbazi, indodana kaMariya, nomfowabo kaJakobe, noJose, noJuda, noSimoni, na? Nawodadewabo abakho yini lapha kithi na?&#8221; Base bekhubeka ngaye.</div><div class="p"> 4 Wayesethi kubo uJesu: &#8220;Umprofethi kadelelwa ngaphandle kwasezweni lakubo, nasezihlotsheni zakhe, nasendlini yakwabo.&#8221; 5Wayengenakwenza lapho nowodwa umsebenzi wamandla ngaphandle kokuthi wabeka izandla phezu kwabagulayo abayingcosana, wabaphulukisa. 6 Wamangala ngokungakholwa kwabo.</div><div class="p">Wahamba imizi ngemizi efundisa.</div><div class="s1">Ukuthunywa kwabaphostoli</div><div class="r">(Math. 10:1; Luk. 9:1)</div><div class="p"> 7 Wayesebabiza abayishumi nambili, waqala ukubathuma ngababili, wabanika amandla phezu kwawomoya abangcolileyo. 8Wabayala ukuba bangaphathi lutho lwendlela, kuphela udondolo lodwa, bangaphathi nasinkwa, nasikhwama, nathusi emixhakeni, 9kepha bafake izicathulo, bangembathi kodwa amabhantshi amabili. 10Wathi kubo: &#8220;Nakuphi lapho ningena khona endlini, hlalani kuyo, nize nimuke khona. 11 Nayiphi indawo engayikunamukela, nalapho bengayikunizwa khona, anothi nimuka kuyo, nivuthulule uthuli oluphansi kwezinyawo zenu, kube ngubufakazi kubo.&#8221;</div><div class="p"> 12Base behamba beshumayela ukuba abantu baphenduke. 13 Bakhipha amademoni amaningi, bagcoba abagulayo abaningi ngamafutha, babaphulukisa.</div><div class="s1">Ukubulawa kukaJohane uMbhapathizi</div><div class="r">(Math. 14:1; Luk. 9:7)</div><div class="p"> 14Yayisikuzwa inkosi uHerode, ngokuba lalidumile igama lakhe. Kwathiwa uJohane uMbhapathizi uvukile kwabafileyo; kungalokho lawa mandla asebenza kuye.</div><div class="p"> 15Kodwa abanye bathi: &#8220;Ngu-Eliya;&#8221; abanye bathi: &#8220;Ngumprofethi njengomunye wabaprofethi.&#8221;</div><div class="p"> 16Kepha uHerode ekuzwile wathi: &#8220;UJohane engamnquma ikhanda nguye ovukile.&#8221;</div><div class="p"> 17 Ngokuba yena uHerode wayethumele wambamba uJohane, wambopha etilongweni ngenxa kaHerodiya umkaFiliphu umfowabo, ngokuba wayeganwe nguye. 18 Ngokuba uJohane wayethe kuHerode: &#8220;Awuvunyelwe ukuthatha umkamfowenu.&#8221; 19Njalo uHerodiya wambambela amagqubu, wafuna ukumbulala; kepha kabanga namandla, 20ngokuba uHerode wayemesaba uJohane emazi ukuthi uyindoda elungileyo engcwele, wamlonda; nalapho emuzwa, wayesambatheka kaningi, nokho kwabamnandi kuye ukumuzwa.</div><div class="p"> 21Kwathi sekufikile usuku oluhle, lapho uHerode ngosuku lokuzalwa kwakhe ezenzela idili izikhulu zakhe, nezinduna zempi, nabanumzane baseGalile, 22kwangena indodakazi kaHerodiya uqobo, yasina, yajabulisa uHerode nababehlezi naye. Inkosi yayisithi entombazaneni: &#8220;Cela kimi noma yini okuthandayo, ngizakukunika.&#8221; 23Wafunga kuyo, wathi: &#8220;Noma yini ongakucela kimi ngizakukunika, nakuba kungaze kube yinxenye yombuso wami.&#8221;</div><div class="p"> 24Yayisiphuma, yathi kunina: &#8220;Ngizakucelani na?&#8221;</div><div class="p">Yena wathi: &#8220;Ikhanda likaJohane uMbhapathizi.&#8221;</div><div class="p"> 25Yakhawuleza yangena masinyane enkosini, yacela yathi: &#8220;Ngithanda ukuba ungiphe khona manje ngoqwembe ikhanda likaJohane uMbhapathizi.&#8221;</div><div class="p"> 26Inkosi yadabuka kakhulu, kepha ngenxa yezifungo nangenxa yababehlezi nayo ekudleni ayithandanga ukuyilandulela. 27Inkosi yayisithuma masinyane ibutho, waliyala ukuba lilethe ikhanda lakhe. Lahamba, lamnquma ikhanda etilongweni. 28Laletha ikhanda lakhe ngoqwembe, layinika intombazana, intombazana yamnika unina. 29Kwathi ukuba abafundi bakhe bakuzwe lokho, beza bathatha isidumbu sakhe, basibeka ethuneni.</div><div class="s1">UJesu usuthisa amadoda ayizinkulungwane eziyisihlanu</div><div class="r">(Math. 14:13; Luk. 9:12; Joh. 6:1)</div><div class="p"> 30Abaphostoli babuthana kuJesu, bambikela ababekwenzile nababekufundisile. 31 Wayesethi kubo: &#8220;Zanini nina nodwa endaweni eyihlane, niphumule ingcosana.&#8221; Ngokuba babe baningi abezayo nabahambayo, abaze bathola nasikhathi sokudla.</div><div class="p"> 32Base bemuka ngomkhumbi, baya endaweni eyihlane bebodwa. 33Abaningi sebebabona bemuka, baqonda, baze bagijimela khona ngezinyawo, bephuma kuyo yonke imizi, babandulela. 34 Wathi ephuma, wabona isixuku esikhulu, waba nesihe ngabantu, ngokuba babe njengezimvu ezingenamalusi; waqala ukubafundisa okuningi.</div><div class="p"> 35 Kwathi isikhathi sesihambile, beza kuye abafundi bakhe, bathi: &#8220;Le ndawo iyihlane, isikhathi sesidlulile; 36bamukise ukuba baye emaphandleni nasemizaneni ezungezileyo, bazithengele ukudla.&#8221;</div><div class="p"> 37Wayesephendula, ethi kubo: &#8220;Bapheni nina ukudla.&#8221;</div><div class="p">Bathi kuye: &#8220;Sihambe yini, siyothenga izinkwa zawodenariyu* abangamakhulu amabili, sibaphe badle na?&#8221;</div><div class="p"> 38Wathi kubo: &#8220;Ninezinkwa ezingaki na? Hambani nibone.&#8221;</div><div class="p">Sebazi bathi: &#8220;Ziyisihlanu, nezinhlanzi ezimbili.&#8221;</div><div class="p"> 39Wabayala ukuba bonke bahlale phansi etshanini obuluhlaza izigaba ngezigaba. 40Base behlala phansi amaviyo ngamaviyo, kwaba ngamakhulu nangamashumi ayisihlanu. 41Wazithabatha izinkwa eziyisihlanu nezinhlanzi ezimbili, wabheka ngasezulwini, wazibusisa, wazihlephula izinkwa, wazinika abafundi ukuba bazibeke phambi kwabo; nezinhlanzi ezimbili wababela bonke ngazo. 42Badla bonke, basutha. 43Babutha imvuthuluka, iziqabetho eziyishumi nambili ezigcwele, neyezinhlanzi. 44Ababedlile izinkwa babe ngamadoda ayizinkulungwane eziyisihlanu.</div><div class="s1">UJesu uhamba phezu kolwandle</div><div class="r">(Math. 14:22; Joh. 6:16)</div><div class="p"> 45Wayesecindezela masinyane abafundi bakhe ukuba bangene emkhunjini, bamandulele ukuya phesheya eBetsayida, yena aze amukise isixuku. 46Esebavalelisile wahamba waya entabeni ukuyokhuleka.</div><div class="p"> 47Kwathi sekuhlwile, umkhumbi wawuphakathi nolwandle, yena eyedwa emhlabathini. 48Wababona behlupheka ekugwedleni, ngokuba umoya wawuphambene nabo, weza kubo ngomlindo wesine wobusuku ehamba phezu kolwandle. Kwangathi uyadlula kubo. 49Sebembonile ehamba phezu kolwandle, bacabanga ukuthi yisithunzi; bakhala. 50Ngokuba bonke bambona, bethuka.</div><div class="p">Kepha washesha wakhuluma nabo, wathi kubo: &#8220;Yimani isibindi; yimina, ningesabi.&#8221; 51Wayesekhwela emkhunjini kubo, umoya wanqamuka; bamangala kakhulu impela phakathi kwabo. 52Ngokuba abaqondanga okwezinkwa, lokhu inhliziyo yabo yayilukhuni.</div><div class="p"> 53Sebewelile bafika ezweni laseGenesaretha, babopha ogwini. 54Ukuphuma kwabo emkhunjini yena wayaziwa masinyane. 55Bagijimela kulo lonke lelo zwe, baqala ukuletha abagulayo ngezinhlaka, lapho bemuzwa ukuthi ukhona.</div><div class="p"> 56Kwathi nomaphi lapho engena khona, emizaneni, nasemizini, nasemaphandleni, babeka abagulayo ezigcawini, bamncenga ukuba bathinte noma umphetho wengubo yakhe kuphela; bonke abamthinta basindiswa.</div>
 </div>
 </div>
</div>

NgokukaMarkuIsampula

UmBhalo

Mayelana naloluHlelo

Izinhlelo zohlobo olufanayo