Izinto Ezingu-7 IBhayibheli Elizishoyo NgokukhathazekaIsampula

Empilweni, uzobhekana nezimo eziningi ezinzima. Uma ungalungiseleli kusenesikhathi ngaleli qiniso, kungase kucindezele lapho zivela. Enye indlela ongalwa ngayo nokukhathazeka iwukuzungezwa abantu abalungile—labo abangakusiza kukho. Uma inselele ibonakala inkulu kakhulu ukuthi ungayinqoba, ukukwazi ukwabelana ngalowo mthwalo kungasiza noma kuxazulule inkinga.

UJesu ukunika lokhu kuthula kwelinye izinga. Uhlezi enawe, noma kuphi nanoma nini uma umdinga. Lapho impilo ikubekela inselelo, kuyaduduza ukwazi ukuthi uJesu ukhona ukuze akusize unqobe noma isiphi isithiyo. Njengoba usondela eduze Kwakhe, uzoqala ukuzwa ukuthula okwengeziwe—ngisho nasezimeni ezinzima…ngisho noma ulwa nokukhathazeka.

Lapho ubeka ithemba lakho eNkosini, kunokuthembela kuwena (noma ezimweni zakho), ubunzima bempilo ngeke bubonakale bunzima kakhulu. Uzoba nokukhathazeka okuncane nokuthula okwengeziwe ngoba uzokwazi ukuthi uJesu uhamba nawe kunoma yini obhekene nayo. Njengoba nje ukukhulisa ulwazi lwakho kungasiza esivivinyweni noma emsebenzini othile, ukukhulisa ukholo lwakho kukusiza ukuba wethembele kuJesu.

Akumele ubhekane nalokhu uwedwa. UJesu ukhona eduze nawe. Letha izinkathazo zakho phambi Kwakhe ngoba uyakukhathalela.

U-Ryan Ackermann
I-YouVersion iOS Developer