Thola i AppUkupha: Ngemali futhi Nangaphandle KwemaliIsampula
Kungakanani Okwanele?
Umbhalo wanamuhla uqukethe umcabango okungenzeka ukuthi wake wawuzwa ngaphambilini:
... ukuthanda imali kuyimpande yakho konke okubi. ... 1 KuThimothewu 6:10
Qaphela ukuthi akushiwongo ukuthi imali iyimpande yakho konke okubi - kunalokho, uthando lwemali. Kepha ngabe kusho ukuthini ukuthanda imali? Futhi ngazi kanjani ukuthi ngiyayithanda imali? Ngenhlanhla, ingxenye esele yesiqephu isiphendulela lo mbuzo.
Luyini uthando lwemali? Njengoba ufunda isiqephu sanamuhla, uzoqaphela ukuthi ukwaneliseka kuqhathaniswa nokuthanda imali. Ngakho umuntu othanda imali akaneliswa yilokho anakho. Kukhona okushodayo ekuphileni kwabo, futhi banethemba lokuthi imali eyengeziwe izobanelisa.
Ngakho-ke seneliseka kanjani? Kunezithako ezimbili zokwaneliseka: ukwazi ukuthi yini oyidingayo kanye nokubonga ngalokho onakho.
Okudingayo: Zibuze, “Yini engiyidingayo namuhla?” uJesu uthi unokwanele uma unokudla, indawo yokuhlala nezingubo. uJesu usimema ukuba sithandazele ukuhlinzekwa uma singenazo lezo zinto. Uma sinokungaphezu kwalokho esikudingayo, khona-ke uJesu usimema ukuba sibe yimpendulo yemithandazo yabanye yokucela usizo.
Ukubonga ngalokho onakho: Isiko lizozama ukukugcina ugxile kulokho ongenakho. Kodwa uJesu usibiza ukuba sigxile kulokho esinakho. Akekho umuntu onempilo ephelele, kodwa wonke umuntu unokuthile okufanele ukubonga ngakho.
uJesu usimema ukuba siphile sinethemba elilula lokuthi uNkulunkulu uzozanelisa izidingo zethu. Singakhetha ukwethemba uNkulunkulu noma sithembe imali—kodwa ngeke sikwethembe kokubili. Ngakho ikhambi lothando lwemali ukufunda ukuthembela kuNkulunkulu.
Thandaza: Nkulunkulu, ngicela ungisize ngethembe ukuthi uzohlangabezana nezidingo zami nsuku zonke. Egameni likaJesu, ameni.
Inselelo: Zibuze, “Iziphi izinto ezintathu engizibongayo?”
Mayelana naloluHlelo
Ungase ube usozigidigidi, noma ungase ube sezingeni eliphakathi-noma ngabe iyiphi indlela, ungaba ophanayo. Ukupha akuhlangene kangako ne-akhawunti yakho yasebhange futhi kuhlobene kakhulu nendlela ocabanga ngayo. uJesu waphila ngokuphana, futhi ukumema ukuba ulandele ukuhola Kwakhe. Lolu hlelo lwezinsuku ezingu-5 luzokunikeza izinyathelo ezilula zokuphila ngokuphana.
More
