Thola i AppAmandla Ethemba: Izinsuku Ezingu-7 Zokuthembela ENkosiniIsampula
Ithemba Phakathi Nesiphepho | Ujesu Kristu
Cabanga kancane ngezivunguvungu zokuphila—ibhizinisi elihlulekile, isehlukaniso, izinkinga zezimali, izifo, abazali abaswele, intsha enenselelo futhi uhlu luyaqhubeka—oye wabhekana nalo. Kungenzeka ukuthi usesikhathini esinesiphepho njengamanje.
Lapho isivunguvungu sivuka, uyaphendula yini ngokuthi: “Nkulunkulu, ngiyethemba ukuthi uzongidlulisa kulokhu”? Noma ujwayele ukuthi, “Ngilahliwe! Akukho okungenziwa umuntu?"
Ngesinye isikhathi, lapho uJesu nabafundi Bakhe bewela uLwandle LwaseGalile, isiphepho esinamandla sasongela umkhumbi wabo. Abafundi bethuka, bavusa uJesu elele, bambuza: “Mfundisi, awukhathaleli yini ukuthi siyabhubha na?” (Umbuze kangaki uJesu lowo mbuzo?)
Lapho izivunguvungu zivunguza nokwesaba kuphakama, thembela okholweni nethemba uNkulunkulu akunike lona. Bonisa ukholo lwakho kuNkulunkulu: khumbula ukuthi nguye olawulayo. Beka ithemba lakho kuNkulunkulu: yazi ukuthula kwakhe.
UmBhalo
Mayelana naloluHlelo
Izihloko zezindaba zomhlaba nemizabalazo yomuntu siqu zingakushiya ukhathele futhi ukhathazekile, kodwa akukho okusha kuNkulunkulu. Abantu bangezikhathi zeBhayibheli babevamise ukuzizwa ngendlela efanayo. Lolu hlelo lokufunda iBhayibheli lwezinsuku ezingu-7 oluvela kumbhali othengisa kakhulu uJack Countryman lugxile ezindleleni eziyisikhombisa uNkulunkulu anikeza ngazo ithemba elifanayo kubantwana Bakhe namuhla alinikeze izikhathi ezingenakubalwa kumaqhawe eBhayibheli.
More
