Thola i AppNgiyabongaIsampula
Konke Okuhle Kuvela KuNkulunkulu
Iningi lethu liyavumelana nalo mbono wokuthi zonke izinto ezinhle zivela kuNkulunkulu. Kodwa ingabe amazwi nezimo zethu zengqondo ziyavumelana nakho? Enye indlela yokuthola impendulo iwukubuza, “Ingabe kusobala kwabanye ukuthi ngikholelwa ukuthi uNkulunkulu ungumenzi wakho konke okuhle ekuphileni kwami?”
Zama lo msebenzi noma nini lapho udinga ukuqinisa umbono wakho wokubonga. Cabanga ngento ethile noma ngothile omuhle onaye. Manje, bheka emuva uze uthole uNkulunkulu njengomthombo walokho okuhle.
Ukuqaphela ukuthi uNkulunkulu ungumthombo wokuhle kwethu kuza nezinzuzo eziningi. Asigcini ngokubonga apho sibona ukuthi asiziletheli okuhle ezimpilweni zethu, kodwa sincipha ukukhathazeka ngokulahlekelwa, sibe ngcono ekunakekeleni, sibe nesandla esivulekile ekupheni, futhi sinciphe ekuziphakamiseni.
Thandaza: Nkulunkulu, ngiyabonga ngobuhle bakho. Hhayi nje ngokwezinto ezinhle, engidlule kukho, kanye nabantu, kodwa ngenxa Yakho nje. Ngokuthi ungubani. Ngoba, Nkosi, Umuhle kakhulu. Gcwalisa inhliziyo nengqondo yami ngokubonga ngobudlelwane bami nawe.
Mayelana naloluHlelo
Ukubonga kuguqula esinakho kube ngokwanele. Lolu Hlelo LweBhayibheli lwezinsuku ezine oluvela ku-Life.Church luzokusiza uthole umbono wokubonga. Qala ukufunda ingxenye yesibili yochungechunge oluthi Hlala Unethemba olunezingxenye eziyisithupha.
More
