Thola i AppUbaba Uyakuthanda Ngu-Pete BriscoeIsampula
Usuku 3
Induduzo Yakho Ehlala Ikhona
Usenzile wena, Jehova; futhi izinhliziyo zethu aziphumuli zize ziphumule kuWe. —ngu-Augustine
Impilo iwumzabalazo. Wonke umuntu uzokutshela lokho. Kungakhathaliseki ukuthi siphelelaphi, silwa nenqwaba yezinkinga nobunzima—ezezimali, ezingokomzwelo, ezingokomzimba, njll. Futhi kuzo zonke izinkinga esibhekana nazo, azintuli izixazululo ezihlongozwayo. Ezinye zeziphakamiso esizizwa kobaba basemhlabeni zihlanganisa “zilungise ngokwakho” kanye “sebenza kanzima.”
Kodwa ngokungafani nanoma yisiphi salezo zindlela, uBaba wethu osezulwini usitshela into eyodwa ehlanganisa noma iyiphi inkinga esingase sibhekane nayo:
UJehova waphendula, wathi: “Ubuso bami buyakuhamba nawe, ngikunike ukuphumula. (U-Eksodusi 33:14)
UNkulunkulu uzosinika ukuphumula? Abanye bethu babenobaba ababesiphusha basiphushela onqenqemeni lokukhathala ngokomqondo nangokomzimba. UNkulunkulu uBaba wehlukile. Uyasiduduza. Yebo, unezinto okufanele sizenze—futhi lezozinto zibaluleke kakhulu—kodwa imiBhalo ikwenza kucace ukuthi lezozinto zenziwa ngokwethembela emandleni kaNkulunkuluasebenza ngathi, kunokuba sisebenzise amandla ethu ukuze sizame ukumenzela izinto.
“Bekuyimi [uNkulunkulu] owafundisa u-Efrayimi ukuhamba, ngibabamba ngezingalo; kodwa kabaqaphelanga ukuthi yimi engibaphilisileyo. Ngabahola ngezintambo zomusa womuntu, ngezibopho zothando. Kubo nganginjengomuntu ophakamisa ingane phezulu futhi ngagoba ukuze ngiyondle.” (U-Hoseya 11:3-4)
Kule ndima kaHoseya, siyabona ukuthi uNkulunkulu akagcini nje ngokuthatha imithwalo yethu, kodwa UFUNA ukuyithatha ngenxa yothando lwakhe olungapheli kithi! Akukho mkhawulo kulokho Akwaziyo ukukuphatha, noma kulokho Azokwenza kuwe. Lokho kuveza umbuzo ojule kakhulu:
Yini obushikashikana nayo ngamandla akho, kunokuba uthembele kuBaba okuthandayo?
Baba, thatha imithwalo engizithwese yona. Angikwazi ukubhekana nalezi zinto ngingedwa. Ngiphonsela kuWe lokho ebengizama ukukwenza mina. Ngiyayeka ukuzama ngedwa. Ngithembela emandleni Akho ukuze ngihlale ngiphumule ekududuzeni Kwakho. Ameni.
Mayelana naloluHlelo
Safundiswa kusukela ekuqaleni ukuthi uNkulunkulu unguBaba wethu futhi singabantwana Bakhe. Kodwa ukuhlobana noNkulunkulu njengoBaba akulula ngaso sonke isikhathi—ikakhulukazi uma obaba bethu basemhlabeni bezabalaza ukukhombisa uthando ebesilulangazelela. Kulolu cwaningo lwezinsuku ezingu-16, uPete Briscoe udonsela ukunaka kwethu kuNkulunkulu owenelisa konke ukulangazelela kwethu uthando—egqamisa indlela umBhalo uwembula ngayo ukuthi unguBaba wethu olungileyo nophelele.
More
