Ukuhlela indawoIsampula

Ukwamukela Izihambi 

Ukungenisa izihambi kwenza abantu babe nathi futhi babe phakathi komphakathi— babe yilokho abayikho futhi bafane kakhulu noKristu. EmBhalweni, abafokazana bangabantu abahlala emphakathini okungewona owabo. Kwezinye izindawo igama elithi umfokazana lihunyushwa ngokuthi “abantu bangaphandlei,” “abahambi,” nangokuthi “abafokazi.” Abantu esingabazi abantu abangakangeni emphakathini wethu. Ukungenisa izihambi kusho ukuhlelela abantu ongabazi indawo.

Ku 2 Levitikusi, uNkulunkulu wayala abantu bakhe ukuba baphathe izihambi ngomusa. Kungumyalo onzima, oqala ngokungabaphathi kabi, bese ubaphatha sengathi bangabakhona endaweni, futhi ekugcineni ubathande njengoba sizithanda thina. Umyalo kaNkulunkulu uwukuba sithande abangaphandle kanye nezihambi njengoba singathanda imindeni yethu.

Futhi, cabanga imfundiso kaJesu ngokuthanda omakhelwane bethu kuLuka 10:25-37. Kule ndima isazi somthetho sabuza uJesu, “Ubani umakhelwane wami na?” (Ivesi 29). Ujesu waphendula ngomfanekiso womSamariya olungileyo njengomfanekiso walokho okushiwo ukuthanda abanye njengomndeni. Ngalo mfanekiso kuyacaca ukuthi umakhelwane wethu noma ubani, ikakhulukazi labo abadinga iVangeli.

Kwathi uJesu elandisa lo mfanekiso, wayekhuluma indaba yakhe. Indaba yokuthi wangena kanjani emhlabeni wokuhlupheka kwabantu, ubuhlungu, kanye nesono esasisishiye sifile. Indaba yokuthi wasicosha kanjani, wasiyisa endaweni ephephile, wakhokha izikweleti zethu, wapholisa amanxeba ethu. Ukungenisa izihambi nokuthanda umfokazi kungumnyombo wokuphila okuhlakaniphile ngoba kuwumgogodla wenjongo kaKristu. Lokhu kusiholela esicini sesithathu sokungenisa izihambi: ukuthanda njengoba uthandwe. 

Uma ungathanda ukufunda okwengeziwe mayelana Ngesifundo SeBhayibheli Sokwenza Isikhathi, sicela uchofoze lapha.